Zańdy tulǵalarǵa berilgen kredıtterdiń kólemi 2014 jylǵy maýsymda 8200,4 mlrd. teńgege deıin 1,9%-ǵa tómendedi, jeke tulǵalarǵa kredıtter 3962,9 mlrd. teńgege deıin 0,4%-ǵa ulǵaıdy. Bul týraly BNews.kz agenttigi QR Ulttyq bankiniń baspasóz qyzmetine silteme jasap  habarlady.

 Qarjy naryǵy týraly esepke sáıkes, 2014 jylǵy maýsymda banktik emes zańdy tulǵalarǵa ulttyq valútada berilgen kredıtter boıynsha ortasha alynǵan syıaqy mólsherlemesi 10,4%, jeke tulǵalarǵa – 19,8% boldy. Bankterdiń ekonomıkany kredıtteýiniń jalpy kólemi 2014 jylǵy maýsymda 1,2%-ǵa tómendep, 12163,3 mlrd. teńgeni qurady. Ulttyq valútadaǵy kredıtterdiń kólemi 8118,1 mlrd. teńgege deıin 1,0%-ǵa ósti, shetel valútasyndaǵy kredıt kólemi 4045,2 mlrd. teńgege deıin 5,2%-ǵa tómendedi. Teńgedegi kredıtterdiń úles salmaǵy bir aıda 65,3%-dan 66,7%-ǵa deıin ósti. Uzaqmerzimdi kredıtteý 2014 jylǵy maýsymda 1,1%-ǵa tómendep, 9785,6 mlrd. teńge qurady, qysqamerzimdi kredıtteý 2377,7 mlrd. teńgege deıin 1,3%-ǵa tómendedi. Uzaqmerzimdi kredıtterdiń úles salmaǵy bir aıda 80,4%-dan 80,5%-ǵa deıin ósti. Zańdy tulǵalarǵa berilgen kredıtterdiń kólemi 2014 jylǵy maýsymda 8200,4 mlrd. teńgege deıin 1,9%-ǵa tómendedi, jeke tulǵalarǵa kredıtter 3962,9 mlrd. teńgege deıin 0,4%-ǵa ulǵaıdy. Jeke tulǵalarǵa berilgen kredıtterdiń úles salmaǵy bir aıda 32,1%-dan 32,6%-ǵa deıin ulǵaıdy. Shaǵyn kásipkerlik sýbektilerin kredıtteý 2014 jylǵy maýsymda 1540,4 mlrd. teńgege deıin 2,2%-ǵa ósti (jyl basynan beri ósim 20,0%), bul ekonomıkaǵa berilgen kredıtterdiń jalpy kóleminiń 12,7%-yn quraıdy. Salalar boıynsha bankterdiń ekonomıkaǵa berilgen kredıtteriniń eń qomaqty somasy saýda (jalpy kólemdegi úlesi – 19,6%), qurylys (11,3%), ónerkásip (10,8%), kólik (3,5%) jáne aýyl sharýashylyǵy (3,5%) sıaqty salalarǵa tıesili.

Qamshy-aqparat