Qazaqstan Prezıdenti Nursultan Nazarbaev qorǵanys mınıstri Serik Ahmetovty qabyldady, dep habarlaıdy Tengrinews.kz

Kezdesý barysynda Nazarbaev oq-dárilerdi qazaqstandyq kásiporyndarda óndirý máselesine kóńil bólý kerektigin aıtqan. Elbasy sondaı-aq, áskerı tehnıkalar men qarýlardy senimdi óndiris oryndarynan satyp alý kerektigine de toqtalyp,  elimizdegi qorǵanys-óndiris keshenderin damytýdy qolǵa alý keregin de eskertken.

Elbasy qabyldaýynda bolǵan Serik Ahmetov bolsa Qarýly kúshterdiń ár ýaqytta saqadaı saı, daıyn bolyp turý úshin júıeli jumystar júrgizilip otyrǵanyn, áskerılerdiń tájirıbe negizinde shyńdalyp, olardyń daıyndyǵyn kóterýde túrli sharalardyń uıymdastyrylyp jatqanyn málim etti. Onyń sózinshe el áskeriniń zamanaýı qarýlar men áskerı tehnıka túrlerimen jaraqtandyrylyp jatyr.

Kezdesý sońynda Memleket Basshysy sala jetekshisine birqatar naqty tapsyrmalar berdi. 

Qamshy-aqparat