Batys Qazaqstan oblysy Terekti aýdany jerinen 2012 jyly «Altyn áıel» qańqasy tabylǵan. Zertteýshiler bul týraly zertteý qorytyndylaryn jarıalady. QazAqparattyń jazýynsha jerleý júrgizilgen keshendi arheologtar «Taqsaı-1» dep atap otyr. Qorǵannyń ataýy osy mańdaǵy Taqsaı stansasy ataýyna baılanysty.

Zertteýshiler bul kóne qorymdy sarmat kezeńine jatqyzady. Qorǵannan bıiktigi bir metrden asyp ketetin 80 altyn áshekeı tabylǵan. Mundaǵy erekshe buıymǵa buryn kezikpegen altyn taraq jatady. Taraqtyń betinde sol zamandaǵy saqtar men parsylar arasyndaǵy shaıqastyń kórinisi beınelengen.

«Altyn áıeldi» jerleý dástúri zoroastrızm dáýirine jatsa kerek. Ókinishke oraı, ázirge súıekteri nashar saqtalǵandyqtan, áıeldiń jas shamasyn anyqtaýdyń múmkindigi týǵan joq. Budan bólek, onymen birge eki kúzetshi áıel jerlenipti. Laboratorıalyq zertteýlerdiń nátıjesinde qorymnyń bizdiń dáýirimizge deıingi 4-5 ǵasyrlarǵa jatatyny anyqtaldy», - deıdi arheolog Murat Sydyqov. Onyń aıtýynsha bul qorǵandarǵa buǵan deıin eshkim tıispegen, tonaýǵa ushyramaǵan. Qorymnyń qasynda jáne eki qorǵan bar eken, bul jerlerge qazý, zertteý jumystary keler jyldary júrgizilmek.  Qorymnan attyń aýyzdyǵy, turmystyq zattar, sondaı-aq áshekeıler tabylǵan. Shamasy, bulardyń bári jerlengen áıelge ana dúnıede kerek bolady degen uǵymmen qoıylǵan. «Altyn áıeldiń» kıim-keshegin belgili restavrator Qyrym Altynbekov qalpyna keltirgen. Qorymnyń baılyǵy jerlengen áıeldiń sol kezdegi qoǵamda bedelin anyq baıqatady. Arheologtar «Altyn áıeldi» zertteýde Germanıa, Reseı jáne Japonıa ǵalymdarymen birlesip jumys jasapty.

Ázirge «Altyn áıeldiń» ózi eshkimge kórsetilmepti . Onyń tusaýkeseri aldaǵy qyrkúıek aıynda ótedi.

Qamshy-aqparat