Qurmetti dostar, qadirli baýyrlar, 14 tamyz 2014 jyly Astana qalasynda bir top qoǵamdyq uıym jetekshileri men belgili azamattar arnaıy baspasóz máslıhatyn ótkizip, QR Úkimetindegi sońǵy ózgeristerge baılanysty oz oılary men ustanymdaryn bildirdi.
Biz, Konstıtýsıamyzdyń 33 babynda kórsetilgendeı Qazaqstan Respýblıkasy azamattarynyń tikeleı jáne óz ókilderi arqyly memleket isin basqarýǵa qatysýǵa, memlekettik organdar men jergilikti ózin-ózi basqarý organdaryna ózi tikeleı júginýge, sondaı-aq jeke jáne ujymdyq ótinishter joldaýǵa quqyǵy bar ekenin eskere otyryp, QR Prezıdentiniń atyna tómendegideı málimdeme-talap daıyndadyq.
Barshańyzdan osy málimdemeni qoldap, azamattyq pozısıalaryńyzdy bildiriýlerińizdi suraımyz. Qoldap, qol qoıyńyzdar, Konstıtýsıalyq quqyqtaryńyzdy paıdalanyńyzdar!
Qazaqstan Respýblıkasynyń Prezıdenti-Elbasy
Nursultan Ábishuly Nazarbaevqa
MÁLİMDEME
Qurmetti Nursultan Ábishuly!
Biz, Qazaqstan Respýblıkasynyń azamattary, Qazaqstan Respýblıkasy Konstıtýsıasynyń 3-babyna sáıkes, memlekettik bıliktiń birden-bir bastaýy – halyq ekenin jáne onyń 33- babyndaǵy Qazaqstan Respýblıkasy azamattarynyń tikeleı jáne óz ókilderi arqyly memleket isin basqarýǵa qatysýǵa, memlekettik organdar men jergilikti ózin-ózi basqarý organdaryna ózi tikeleı júginýge, sondaı-aq jeke jáne ujymdyq ótinishter joldaýǵa quqyǵy bar ekenin eskere otyryp, V.S.Shkolnıkti Qazaqstan Respýblıkasynyń Energetıka mınıstri qyzmetine taǵaıyndaý týraly № 881 (06.08. 2014) Jarlyǵyńyzǵa baılanysty tómendegideı Óz oıymyzdy bildiremiz:
Vladımır Shkolnık osy ýaqytqa deıin Reseı Federasıasynyń nemese sol eldiń jekelegen kompanıalarynyń múddesin qorǵaý isimen birneshe ret kózge túsken adam. Atap aıtqanda:
1. 2008 jyly QR Indýstrıa jáne saýda mınıstri V. Shkolnık ENRC, «Mıttal Stıl» jáne «Kazahmys» sıaqty iri kásiporyndardy qoldady. Ol atalǵan kompanıalardyń ónimine eksporttyq kedendik salyqty joıyp, «vernýt eksporteram ves NDS, kotoryı búdjet ım doljen» dep málimdedi. (Kogo lobbırýet mınıstr Shkolnık? www.respublika-kz.info/news/politics/1256/);
2. Ol 2009 jyly QR Indýstrıa jáne saýda mınıstri bolyp turǵan kezde Qazaqstanǵa keletin shet eldik avtokólikterge salynatyn kedendik salyqty 30 paıyzǵa arttyrdy. Sonyń kesirinen, sapaly shet eldik avtokólikterdiń baǵasy tym sharyqtap ketip, qazaqstandyq azamattar sapasyz Reseı avtokólikterin alýǵa májbúr boldy. Bul - Qazaqstandyq avtodıllerlerdiń ekonomıkalyq zıan shegýine, al, 2010 jyldan bastap reseılik avtokólikterdiń satylýy 30% artyp, tabysqa kenelýine jol ashty. 2014 jyly Qazaqstanda satylǵan barlyq avtokólikterdiń 41,5 % reseılik avtokólikterdi qurady. (Obzor prodaj novyh avtomobıleı za 2010 god. Respýblıka Kazahstan. http://www.pitstop.kz/2011/42-2-2011/418-2-2011.html)Sóıtip, V.S.Shkolnık reseılik «Avtovaz» kompanıasynyń múddesin ashyq qorǵady;
3. 2009-jylǵa deıin «Qazatomprom» Ulttyq kompanıasy Japonıa, Qytaı, Kanada, Úndi, Fransıa jáne Reseı kompanıalarymen tıimdi baılanysta jumys istedi. Sol kezdegi «Qazatomprom» basshysy Muhtar Jákishev 2010 jyly Qazaqstannyń baıytylǵan ýrandy Japonıaǵa erkin saýdalaıtynyn, ol týraly Toshiba kompanıasymen kelisimge qol jetkizgenin málimdedi. Alaıda, kóp keshikpeı M. Jákishev isti bolyp, onyń ornyna V. Shkolnıktiń taǵaıyndalýymen Qazaqstannyń úsh birdeı iri ýran ken orynynyń «Rosatom» korporasıasyna qarasty "Atomredmetzoloto" holdıńine satylyp ketti. Sóıtip, aıaq astynan Reseı Federasıasy ýran óndirisi boıynsha monopolıaǵa aınaldy. Al, «Atomredmetzoloto» kompanıasyn basshysy Vadım Jıvovtyń, V. Shkolnıktiń týǵan kúıeý balasy bolyp shyǵýy– onyń Reseı Federasıasyna qyzmet jasaıdy degen kúdigimizdi odan saıyn tereńdete túsedi;
4. V. Shkolnıktiń 2011 jyly da Reseıdiń «Evrohım» kompanıasynyń múddesin qorǵaǵany týraly Ózińizge Ashyq hat joldandy. http://trushkov.blogspot.com/2011/11/blog-post_15.html Ashyq hatta avtor Aleksandr Trýshkov «Evrohım» kompanıasyna Qazaqstannyń «Araltóbe», «Kesiktóbe» ı «Gımmelfarb» fosfor ken oryndarynyń V. Shkolnıktiń arqasynda qalaısha zańsyz ótip ketkeni týraly ashyna jazdy.
5. Sizdiń «Qazaqstan-2050» baǵdarlamańyzda 2013 jyly Qazaqstan Respýblıkasynda «jasyl ekonomıkany» damytý men «jasyl ekonomıkaǵa» kóshý Tujyrymdamasyn qarystyryp, bekitkenińizge qaramastan V. Shkolnık Qazaqstanda AES salýdy, ol AES-ti Reseı Federasıasynyń qolymen salýdy jáne solardyń atom reaktoryn qoldanýdy nasıhattaýmen keledi. Endi, ol mınıstr bolǵanda buny júzege asyratyny anyq.
Sondaı-aq, Biz V. Shkolnıktiń Energetıka mınıstri bolyp taǵaıyndalýyn, jaqyndaǵy Reseı syrtqy ister vedomstvasynyń bastyǵy Sergeı Lavrovtyń Qazaqstanǵa kelýimen tikeleı baılanysty dep oılaımyz. Bul, Reseı Federasıasynyń EAEO qol jetkizgennen keıin, óziniń Qazaqstandaǵy lobbısterin endi, ashyq qoldaýǵa kóshkeni dep bilimiz;
6. 2010-jyly V. Shkolnıktiń «Qazatomprom» kompanıasy esebinen 55 mıllıon AQSH dollaryna «Báıterek» ıahtasyn jasatqany týraly da birneshe márte jazyldy. «Qyzmettik qajettilik úshin» daıyndalǵan onyń quny - arab sheıhtarynyń ıahtalaryn basyp ozǵany týraly da aıtyldy. Ánsheıinde, shaǵyn dúkenderdiń tabysyn sanaıtyn qarjy polısıasy men Prezıdent janyndaǵy esep komıteti de oǵan nazar aýdarmady;
7. Taǵy bir mán beretin jaǵdaı Vladımır Shkolnıktiń balasy Igor Shkolnık 30 jasynda reseıdiń Orsk munaı óndeý zaýytyn 280 mln. dollarǵa satyp alýy óz aldyna, 2014 jyly Forbs jýrnalynyń esebi boıynsha, onyń baılyǵy 150 mln. AQSH dollaryn quraǵan. Demek, V Shkolnıktiń Reseıge degen «qyzmeti» tekke ketip jatqan joq dep topshylaýǵa da tolyq negiz bar;
- V. Shkolnıktiń «Tıtan» jeke fırmasynyń basshysy Nıkolaı Kýzmınmen qandaı dos ekenin jáne ol dostyqtyń ekeýine de, qandaı orasan paıda ákelgeni týraly jaqynda belgili jýrnalıs Gennadıı Bendıskıı jaqsy saraptama jasady.(Kak depýtat Kýzmın ı glava «Kazatomproma» Shkolnık drýjbý vodılı http://camonitor.com/12510-gennadiy-bendickiy-kak-deputat-kuzmin-i-glava-kazatomproma-shkolnik-druzhbu-vodili.html);
9. Eýrazıalyq ekonomıkalyq odaq qurý týraly kelisim shartqa sáıkes, odaqqa múshe elderdiń ortaq munaı jáne gaz bazasy jasalýy tıis. Bul máselede de, bolashaqta V. Shkolnık Reseı Federasıasynyń múddesine jumys isteıdi degen qaýpimiz bar;
10. Ulttyq ǵarysh agenttiginiń QR Energetıka mınıstrligine berilýine jáne V. Shkolnıktiń onyń mınıstri bolýyna oraı, geptıl ýly otynyn paıdalaný da – Reseımen jańa kelisimder arqyly odan ári jalǵasa ma degen kúdigimiz bar.
Osy atalǵan jaǵdaılardy eskere otyryp, QR Konstıtýsıasynda kórsetilgendeı, adam jáne azamat quqyqtary men bostandyqtarynyń nyshany ári kepili, Qazaqstan Respýblıkasynyń Prezıdenti-Elbasy retinde Sizden:
- QR Energetıka mınıstri Vladımır Shkolnıkti qyzmetinen bosatýyńyzdy
2. Chernobyl, Fokýsıma, Los Alamos oqıǵalaryna baılanysty, elimizde AES salý qaýipti ekenin jetkize otyryp, Qazaqstanda AES salýǵa maratorıı jarıalaýyńyzdy
3. Baıqońyr ǵarysh aılaǵynan geptıl otynyn paıdalanatyn Proton zymyranyn ushyrýdy toqtatýyńyzdy
4. Qazaqstannyń táýelsizdigi men Konstıtýsıalyq zańdylyǵyn júzege asyrý jáne basqa memleketterdiń Qazaqstannyń ishki isine aralaspaýyn qamtamasyz etý úshin, shet eldiń múddesine jumys isteıtin V. Shkolnıkten de basqa adamdardy basshylyq qyzmetke jolatpaýyńyzdy
TALAP ETEMİZ.
Halyqtyń talabyna qulaq asady jáne osy másele jóninde bir aı kóleminde naqty sheshimder qabyldanady degen úmitpen:
1. Musaǵalı Dýambekov - t.ǵ.d, profesor, “Halyqtyq jemqorlyqqa qarsy komıtet” qoǵamdyq qorynyń prezıdenti,
2. Qurmanǵazy Rahmetov - «Naǵyz Jeltoqsan» qoǵamdyq qorynyń prezıdenti,
3. Maqsat İlıasuly- Qazaq Ulttyq keńesi tóraǵasynyń orynbasary
4. Bolat Tólepbergenov, Astana qalasy,
5. Baqyt Alýaı, Astana qalasy
