Qytaıdyń saýda dúkenderin Dımashtyń sýretteri beınelengen zattar jaýlap aldy, dep habarlaıdy QazAqparat tilshisi. Qytaıdaǵy eń úlken alibaba ınternet dúkenderinde Dımashtyń sýreti beınelengen alqa-monshaqtar, bilezik, saǵat, kúntizbe sekildi ár túrli buıymdar salynýda.
Dımash Qudaıbergenov kıgen kıim úlgilerdiń de saýdanyń kórkin qyzdyryp turǵanyn baıqaýǵa bolady.
Eske salaıyq, Qytaıdyń tanymal «Singer» teleshoýyna qatysyp jatqan otandasymyz baıqaýdyń alǵashqy eki kezeńinde joǵary óner kórsetip, Aspanasty elin aýzyna qaratqan bolatyn. Ánshiniń qatysýymen ótetin kelesi kórsetilim erteń, 4 aqpan kúni efırge shyǵady.
