Belgili ızraıldik saıası sarapshy Solomon Mann óziniń Facebook paraqshasynda Donald Tramptan tosyn syılardy kútýdiń qajet joq ekenin jáne ol ózin saılaý aldynda qandaı ister atqarýǵa ýáde berse, sol ýádesin oryndap jatqanyn jazdy.
Reseıdi 17 jyl boıy bir adam basqaryp keledi. Solomon Mannyń oıynsha Tramp jaqyn ýaqytta Reseımen kelissóz júrgize bastaıdy. Ol jan-jaqty jáne aýyr bolady dep boljaıdy. Bir jaǵynan Tramp Manafordyń «orystarmen sóıleskende qolyńda tas bolsyn» degen aqylyn esinde ustaıdy. Ekinshi jaǵynan Tramp elektoratty qanaǵattandyryp, olarǵa beıbitshilik pen qorǵanys jáne kásibiniń órkendeýin qamtamasyz etedi. Sondyqtan ol EO arqyly Reseıge sanksıalarmen qysym jasasa, ekinshi jaǵynan «dámdi bálishter» usynady: Reseı Sırıadaǵy DAISH tobyn jeńgennen keıin syılyq alýyna múmkindik beredi. Reseıdiń Eýropanyń sanksıalyq talasynda ózin jeńimpaz sezinýine, Pýtınge saılaý aldynda joǵary reıtıńpen qamtamasyz etýge múmkindik beredi.
«Al Pýtın onyń ornyna Sırıadaǵy DAISH tobymen kúrestegi barlyq jumysty óz moınyna alady. AQSH-tyń Irandy tejeýine kedergi keltirmeıdi jáne Ýkraınaǵa Donbassty mınıstik kelisim boıynsha qaıtaryp beredi. AQSH-tan keıin oń partıanyń qysymymen Eýropanyń sanksıany joıýýyna týra keledi. Alaıda sanksıanyń barlyq shyǵyny EO moınynda bolady» deıdi sarapshy.
