Búgin Qazaqstandyq BAQ el ishindegi janarmaı baǵasy kóterilgeni týraly habarlady. Janarmaı baǵasynyń ósýine baılanysty Qazaqstannyń ulttyq ekonomıka mınıstrligi janar-jaǵarmaı ónimderiniń bólshek saýdadaǵy baǵasynyń shegin belgilegen, bul týraly Azattyq radıosy jazdy.

Ulttyq ekonomıka mınıstri Erbolat Dosaevtyń mınıstrlik saıtynda 21 tamyz kúni jarıalanǵan buıryǵy boıynsha, endi dızel otynynyń bir lıtriniń baǵasy - 115 teńgeden, AI-80 markaly benzın - 89 teńgeden, AI-92/93 markaly benzın - 128 teńgeden aspaýy kerek. 

Buǵan deıin Almatyda dızel otynynyń lıtri – 115 teńge, AI-80 markaly benzın – 89 teńge, suranysqa ıe AI-92 markaly benzıni – 115 teńge, al AI-96 markaly benzın 145 teńgeden bolǵan.

Biraq sońǵy kezderi janarmaı quıý beketterinde, ásirese reseılik benzın satýshylarda suranysqa ıe AI-92 markaly benzınniń tapshylyǵy sezile bastaǵan. Sońǵy on kúndikte kóptegen janarmaı quıý stansıalary bul sapadaǵy benzındi shektep sata bastaǵan nemese múlde satpaǵan bolatyn.

Qamshy-aqparat