AQSH bıligi «Bostondaǵy (Massachýsets shtaty) lańkestik aktini tergeýge kedergi jasady dep aıyptaǵan qazaqstandyq stýdent Dıas Qadyrbaev tergeýmen mámilege kelip, óziniń kinásin moıyndady», - dep habar taratqan, bul týraly QazAqparat jazdy.

Prokýratýra ókilderi kelisim sharttaryna sáıkes Qadyrbaev jeti jyldan aspaıtyn merzimge túrmege qamalýy múmkin, degenmen onyń advokattary ózderiniń qorǵaýyndaǵy adamnyń jazasyn budan da jeńildetýine  qol jetkizýi múmkindigin aıtqan. Alaıda aıyptalýshy Qadyrbaevtyń isi boıynsha naqty  úkim 18 qarashada jarıalanbaq.

Eske sala ketsek, AQSH bıligi Boston lańkestik aktisin jasaýǵa aıyptalǵan  Djohar Sarnaevty biletin Qadyrbaev jáne Qazaqstannan taǵy bir stýdent Azamat Tájaıaqov  jarylystan úsh kún ótken soń onyń prırotehnıka salynǵan sómkesin jáne notbýkti joıǵan dep aıyp taqqan bolatyn. Bul lańkestik aktini tergeý isin edáýir qıyndatty. Aıyptaýshy tarap qazaqstandyq stýdentter buny Djohar Sarnaev pen onyń aǵasy Tamerlannyń sýretterin jańalyqtardan kórgennen keıin jasady dep paıymdalýda. Iaǵnı qazaq stýdentterin Sarnaev isine qolǵabys tıgizbek bolǵan dep sanaıdy. Daýdyń basy boǵan Boston marafonyndaǵy lańkestik týraly aıta ketsek, 2013 jylǵy 15 sáýirde Bostonnyń ortalyǵynda ótip jatqan dástúrli marafonnyń máresine jaqyn mańda arasyna 12 sekýnd salynyp, eki jarylys jasalǵan, onyń saldarynan úsh adam qaza tapty,  20-sy jaraqat aldy. Amerıkandyq bılik bul jarylystardy uıymdastyrýshylar jáne oryndaýshylar aǵaıyndy 26 jastaǵy Temirlan men 21 jastaǵy Djohar Sarnaevtar dep sanaıdy. Lańkestikten keıin birneshe kún ótken soń Tamerlan polıseılermen atys kezinde óltirildi, al Djohar oqtan jaraqattanyp, tutqyndalǵan bolatyn.

Qamshy-aqparat