Búginde Dımash Qudaıbergenniń esimi elge jaqsy tanys. Tipti qazaqstandyqtardy bylaı qoıǵanda, onyń ónerine álemniń kóptegen elderiniń turǵyndary tánti bolǵan. Óziniń tyńdarmandar aýdıtorıasy qalyptasyp, eń tanymal ánshilerdiń kósh basyna shyqty. Al onyń bala kezi qandaı edi?
Bala Dımashtyń 10 jyl buryn «Qazaqstan-Aqtóbe» telearnasyna bergen suhbaty
YouTube jelisine shyǵaryldy. Áleýmettik jeli qoldanýshylary qyzý talqyǵa alǵan bul suhbatta, Dımash óziniń kýmıry týraly da aıtyp berdi. Suhbat bergen kezde ol nebári 13 jasta ǵana bolǵan. Efır barysynda ol «Aq kógershin» ánin oryndaıdy.
Dımashtyń ata-anasy Qanat jáne Svetlana Aıtbaevtar elge eńbegi sińgen mádenıet qaıratkerleri. Sondyqtan da bolar, ol bala kúninen ónerge jaqyn bolyp ósken. Alty jasynda «Aınalaıyn» respýblıkalyq baıqaýyna qatysyp «fortepıano» nomınasıasy boıynsha laýreat atanady. Basqa da iri baıqaýlarda top jaryp, halyq qoshemetine bólenedi. Onyń sheteldegi eń alǵashqy jeńisi 2015 jyly «Slaván bazary -2015» XXIV halyqaralyq estradalyq ánder baıqaýynda gran-prı jeńip alýynda. Dál osy kezeńde oǵan tyńdarmandar nazar aýdaryp, ánshi retinde moıyndaı bastaǵan edi. Al qytaıda ótip jatqan «Singer-2017» shoý-baıqaýy onyń ataǵyn aspandata tústi.
