Qyrǵyzstan prezıdenti Almazbek Atambaev Euronews telekanalyna bergen suhbatta Reseı prezıdenti Vladımır Pýtın óziniń saparynda Kremlge kimniń prezıdent bolýy laıyqty ekenin meńzeıdi degen sózderge jaýap berdi. Bul týraly

Onyń sózderinshe, bul absýrd.

«Bul jóninde eldi absýrdtyq jaǵdaıǵa jetkizgen keıbir saıasatkerler aıtyp júr. Qyrǵyzstan barlyq kórshilerge táýeldi boldy. Olar gaz, elektr bermeı qoıyp, shekarany jaýyp tastaýy múmkin edi. Biz qazir múldem basqa elmiz. Vladımır Pýtın bul úshin kele jatqan joq. Bizge talqylaıtyn másele jetedi. Al prezıdent kim bolý kerektigin ne Máskeý, ne Vashıngton sheshpeıdi, Qyrǵyzstan azamattarynyń ózderi sheshedi. Maǵan senińizder. Bul endi tipti basqa memleket. Biz óz máselemizdi ózimiz sheshemiz», - dedi Almazbek Atambaev.

Reseı prezıdenti Vladımır Pýtınniń Qyrǵyzstanǵa sapary aqpan aıynyń sońynda josparlanǵan.

Aıta ketetin bolsaq, Qyrǵyzstanda prezıdent saılaýy konstıtýsıalyq zańdarǵa saı qarashanyń úshinshi jeksenbisinde - 2017 jylǵy qarashanyń 19-ynda ótýi tıis.