Názıa Joıamergenqyzy esimdi Facebook qoldanýshysy Jambyl oblysynda apatta qaıtys bolǵandardyń úıine kóńil aıtyp kelgen qorǵanys mınıstriniń tórde aıaq kıimmen otyrǵanyn synǵa aldy.
«Qorǵanys mınıstri qapıada ajal qushqan bozdaqtardyń biriniń úıine kelgen. Tórge aıaq kıimimen shyǵyp ketipti. Qasyndaǵysy da solaı. Aıaq kıimmen otyr. Bıliktiń atynan kóńil aıta kelgen qos sheneýnik azaly úıdiń shańyraǵyn syılamaǵany anyq...» dep jazdy Názıa Joıamergenqyzy.
Esterińizge salaı keteıik, 17 aqpanda Jýaly aýdany Alataý aýylynan 35-40 shaqyrym jerde (Kóksaı shatqalynda) qar kóshkini júrip, 23 áskerı qar astynda qalǵan.
Kóshkinnen keıin 91678 áskerı bóliminiń qyzmetkerleri men jedel járdem qyzmeti (barlyǵy 60 adam) oqıǵa ornynda izdestirý-qutqarý jumystary júrgizildi. Taǵy 75 adam, ıaǵnı qutqarý qyzmetiniń jeke quramy jáne jeti arnaıy tehnıka Taraz qalasynan jóneltilgen. Qar kóshkini saldarynan qaza tapqan jeti adamnyń máıiti tabylǵan.
