Ázirbaıjan prezıdenti Ilham Álıev jubaıy Mehrıban Álıevti respýblıkanyń birinshi vıse-prezıdenti etip taǵaıyndady, dep habarlaıdy ria.ru, málimettiń qazaqsha nusqasyn «Qamshy» portaly oqyrman nazaryna usynady.

Ázirbaıjan zańyna sáıkes, eger elbasy óz qyzmetin tolyqqandy atqara almasa, birinshi vıse-prezıdent elbasynyń tolyq quzirettiligine ıe bola alady, ıaǵnı tolyqtaı prezıdent qyzmetin atqara alady.

«Ázirbaıjan prezıdenti Ilham Álıev jubaıy Mehrıban Álıev Arıfqyzyn vıse-prezıdent etip taǵaıyndaý jaıly qujatqa qol qoıdy»,- dep jazady jergilikti baspasóz qyzmeti.

Ázirbaıjan halqy 26 qyrkúıek kúni konstıtýsıaǵa ózgeris engizýge baılanysty daýys bergen bolatyn. Negizgi zańǵa prezıdent pen vıse-prezıdent qyzmetin atqarýdy bes jyldan jeti jylǵa deıin uzartý, sonymen qatar memlekettik basqarý qyzmeti men depýttarǵa taǵaıyndylaýshylardyń jas mólsherine shekteýdi alyp tastaý jaıly ózgeris engizbek bolǵan. Jańa zańǵa sáıkes, 35 jasqa tolmaǵan azamattar da memlekettik qyzmetke tura alady.

25%-dan astam saılaýshylar qatysqandyqtan Referendým qabyldanyp, Ázirbaıjan konstıtýsıasyna ózgeris engizýge saılaýshylardyń  85%-y qoldaý kórsetken.

Aýdarǵan: Nazerke Labıhan