Keshe, Astanada Halyqaralyq qazaq kúresi federasıasy quryldy. Jańadan qurylǵan federasıanyń prezıdenti bolyp QR energetıka mınıstri Qanat Bozymbaev saılandy.
Tól sportymyz qazaq kúresin de bolashaqta jazǵy ýnıversıada, azıada, olımpıada oıyndarynyń tizimine qosý jospary bar. Halyqaralyq «Qazaq kúresi» federasıasy osy maqsatta qurylǵan.  

Quryltaı kongresiniń jumysyna álemniń 35 memleketinen mandattar kelgen. Olardyń barlyǵy derlik óz elderinde qazaq kúresimen aınalysyp júrgen bapkerler men palýandar. Arasynda 2016 jyly «Álem barysy» ataǵyn utqan kýbalyq Braıson Vedal Oskar Rene de bar.

Eýropa men Azıa, Avstralıa qurlyǵynda da qazaq kúresi órken jaıyp keledi. Bolashaqta da osy jumysty júıeli jalǵastyryp, keńinen nasıhattaý maqsatynda, mandattardyń biraýyzdan bergen daýsy men halyqaralyq federasıa tóraǵasy bolyp Qanat Bozymbaev taǵaıyndalsa, orynbasarlary Jaqsylyq Úshkempirov, Dáýlet Turlyhanov boldy. Olar jańa orynda aılyq almaıdy, alaıda, kúrestiń damýyna kúsh salamyz dep otyr.

«Qazaq kúresin bolashaqta qalaı damytý kerektigi týraly josparlar men baǵyttar talqylandy. Bapkerler men mamandar tartyp, olardy oqytyp, stıpendıa tólep, keıin elderine qaıtaryp, olarda zaldardyń arendasyna kómektessek deımiz. Bul halyqaralyq federasıa, sondyqtan osy 35 elde demeýshiler qarjylandyrady, árıne, Qazaqstannyń úlesi erekshe bolatyn shyǵar», - deıdi Energetıka mınıstri, halyqaralyq «Qazaq kúresi» federasıasynyń tóraǵasy Qanat Bozymbaev.