Tamyzdyń 28-i kúni Qazaqstan Jazýshylar odaǵy basqarmasy men M.Áýezov atyndaǵy Ádebıet jáne óner ınstıtýty birlese otyryp belgili jazýshy, etnograf, tarıhshy, ǵalym Zeınolla Sánikti eske alýǵa arnalǵan ǵylymı-tájirıbelik konferensıa ótedi.
Zeınolla Múbárakuly Sánik 1935 jyly Qytaıdyń Tarbaǵataı aımaǵynda dúnıege kelgen. Pekın qalasyndaǵy ortalyq jastar ınstıtýtyn bitirip, eńbek jolyn baspagerlikten bastaǵan. Úrimjidegi jastar baspasynda jaýapty redaktor bolyp qyryq jyldaı qyzmet atqarǵan. 1955 jyldan bastap ádebı zertteý jumystaryn jaza bastaǵan. Sol ýaqytta Qytaıda júrgizilgen "mádenı tóńkeristiń" aýyr soqqysyna ushyrap, "halyq jaýy" bolyp, aýyr kúnderdi de ótkergen.
Soǵan qaramastan, qalamgerdiń ǵylymı eńbekterinen, roman, povesterinen quralǵan jıyrmadan astam kitaby jaryq kórgen. Qazaqstanda "Qarakereı Qabanbaı", "Has batyr Qabanbaı", "Tuǵyryl han", "Demejan batyr", Halyq kúıshisi Qaıraqbaı", "Baspaı" atty kitaptary men eńbekteri jarıalanǵan.
Qadirli qalamger 2013 jyldyń 26 qyrkúıeginde ómirden ozdy.
Qamshy-aqparat
Pikir qaldyrý