Prezıdenttik laýazym merzimi eki kúnnen keıin, 28 tamyzda aıaqtalatyn Túrkıanyń eks-prezıdenti Gúl halyqqa arnap qoshtasý jarıalady. Bul týraly  TRT-Qazaq  arnasy jazdy.

Gúl joldaýynda «Ulttyq erik-jigerdiń ókili, uly Túrkıa Uly Ulttyq Májilisi tarapynan prezıdent bolyp saılanǵan mindetim barysynda aldymen Chankaıanyń qaqpasyn halyqqa aıqara ashtym. Memleket pen ultty jaqyndastyrdym. Atazańdy oryndaý jáne memlekettik organdar arasynda úılesimdilikti qamdaý mindetimdi laıyqty túrde oryndaýǵa tyrystym» degen. Saıası kózqarasyna qaramastan beıtaraptyǵyn saqtaǵanyn bildirgen Abdýllah Gúl shetelderge saparynda da memleket pen ulttyń atyna, kúshine jáne abyroıyna nuqsan keltirmegenin aıtty.

Abdýlla Gúl 1950 jyly 29 qazanda, Túrkıanyń 27 jyldyq Táýelsizdik kúninde týylǵan. Ol Túrik respýblıkasynyń 11 prezıdenti. 2007 jyly, 28 tamyzdan Túrkıa prezıdenti boldy. Oǵan deıin Syrtqy ister mınıstri bolǵan. Gúl 2002 jyly 11 qarashada Túrkıanyń premer-mınıstri bolyp saılanyp, Túrkıanyń 58 úkimetin qurdy. Eks-prezıdent eldiń zańy boıynsha saılaýǵa tústi jáne zań aıasynda 7 jyl prezıdenttik qyzmet atqardy. Ol óziniń prezıdenttik qyzmeti aıasynda 2008 jyly, Astana qalasynyń on jyldyǵynda jáne  2010 jyly Qazaqstanǵa is saparmen keldi.

Túrkıa jurty ony endi keńesshi qyzmetin atqarady dep boljaıdy. Sebebi úlken saıasatta Gúldiń basy daýly máselelerge shatylǵan emes.

Qamshy-aqpart