Reseı 22 jyl buryn jalǵa alǵan jerlerdi Qazaqstanǵa qaıtarady. Bul Aqtóbe oblysyndaǵy Embi áskerı polıgony - 300 myń gektardan asa. Mundaı jarlyqty Májilis depýtattary maquldady, - dep habarlaıdy "Astana" telearnasy. Jalǵa alý kelisiminiń merzimi 2017 jyldyń 1 qańtarynda aıaqtalǵan. 

Qorǵanys mınıstriniń orynbasarynyń aıtýynsha, polıgondy Qazaqstanǵa qaıtarý úshin arnaıy komısıa qurylady. Aıtýynsha, Qazaqstan mindetterdi oryndaý máselesinde reseılik tarapqa shaǵymy joq eken. 

"Polıgondy jaldan shyǵarý óńirdiń ekonomıkalyq damýyna oń áserin beredi, qaıtarylatyn jerler kásipkerlerdiń múddesine paıdalanylýy múmkin, munda aýyl sharýashylyǵymen, paıdaly qazbalardy izdeý jáne óndirýdi uıymdastyrý isterimen aınalysatyndarǵa qolaıly. Osy arqyly memlekettik búdjetke jańa qaınarkózden tabys túsedi. Polıgonnyń telimderi áleýmettik mańyzy bar ınfraqurylymdyq jobalardyń qurylysyna paıdalanylýy múmkin", - dedi Talǵat Muhtarov.

Mınstrdiń orynbasary osynyń aldynda reseılik taraptyń Qazaqstanǵa polıgonda ornalasqan jyljymaıtyn jáne ornyqty múliktiń bardyǵyn ótkizip qoıǵanyn aıtty. Onyń ishinde turǵyn-kazarmalyq qordyń 15 ǵımaraty bar.

Eske salaıyq, 1960 jyldyń 10 mamyrynda Embi-5 áskerı qalashyǵy qurylǵan edi. Polıgonda áýe zymyran PVO CB, "Krýg", "Kýb", "Býk" , "TOP", "Osa", "S-300B", "Týngýsskoı" áýe qorǵanys S.V. jedel taktıkalyq qysqa aýqymdy zymyran synaldy.

Reseı jyl saıyn Qazaqstanǵa osy maqsatta aqsha tólep tuǵan eli. Máselen, ótken jyly 7 mıllıard teńge shamasynda qarajat túsken bolatyn.