Psıhıkalyq aýytqýshylyǵy bar áıel óz balasynyń kókiregine pyshaq suǵyp, óltire jazdady, dep habarlaıdy informburo.kz, málimettiń qazaqsha nusqasyn «Qamshy» portaly oqyrman nazaryna usynady.

Tórt jastaǵy búldirshin keýde tusyndaǵy pyshaq jaraqatymen aýrýhanaǵa kelip túsken. Balany aýrýhanaǵa anasynyń ózi alyp kelipti. 30 jastaǵy áıel óz balasyn ózi óltirmek bolǵandyǵyn aıtqan.

«Búldirshindi aýrýhanaǵa aýyr halde jetkizgen», - dep málimdedi BQO-daǵy balalar hırýrgıasynyń bastyǵy Aleksandr Gehman.

Atalmysh oqıǵaǵa qatysty dárigerler dereý polısıa qyzmetkerlerine habar bergen. Balany em qabyldaý bóliminen aýystyrǵannan soń ony kámeletke tolmaǵandardyń isteri jónindegi beıimdeý ortalyǵynda anyqtaǵan. Búldirshindi balalar úıine ótkizý máselesi qaralyp jatyr.

«Bala bizge kelgende qatty shoshynyp qalǵan edi. Toqtaýsyz jylaı berdi. Búldirshin aýrýhana qyzmetkerlerine óz oqıǵasyn baıandap bergende, barlyq dárigerler kózderine jas aldy. Anasy ony avtobýs aıaldamasyna alyp kelip, aýyzyn jaýyp turyp keýdesine pyshaq suǵa bastaǵan. Shoshynǵan bala: «Mama, qajet emes, qatty aýyryp ketti!» dep aıǵaı salǵan. Sol kezde anasy pyshaǵyn sýyryp alyp, balany aýrýhanaǵa jetkizgen», - dep habarlady kámeletke tolmaǵandardyń isteri jónindegi beıimdeý ortalyǵynyń dırektory Roza Súıinshálıeva.

Dárigerlerdiń aıtýynsha, balanyń anasy psıhıkalyq aýrýǵa shaldyqqan bolýy múmkin. Ol áli kúnge deıin tutqynǵa alynǵan joq, úıinde otyr. Qaskóı ananyń aıtýynsha, ol balasyn óltirip, keıinnen óz-ózine qol jumsamaq bolǵan.

Aýdarǵan: Nazerke Labıhan