Aeronavtıka jáne ǵarysh keńestigin zertteý jónindegi ulttyq basqarma agenttiginiń zertteýshileri kólemi jaǵynan Jerge uqsaıtyn 7 ǵalamshardy anyqtady, dep habarlaıdy Qamshy portaly, bbc.com silteme jasap.

Bul ǵalamsharlar TRAPPIST-1 atty últra-salqyn kúlgin tústi juldyzshalary bar orbıta maǵynan tabylǵan. Sý qaldyqtary tabylǵan bul ǵalamsharlar kólemi jaǵynan Jerge uqsas eken.

Lej ýnıversıtetiniń astronomy Mıshel Gııon pres-konferensıada tabylǵan ǵalamsharlarǵa baılanysty óz pikirin bildirdi:

«Ǵalamsharlar bir-birine tym jaqyn ornalasqan. Sonymen qatar, ǵalamsharda sý qaldyqtary men tirshilik kóziniń bary ǵajap emes».

Astronomdardyń aıtýy boıynsha, ekzoǵalamsharlardy «Spıtser» ǵaryshtyq teleskobynyń kómegimen tapqan. Osy teleskoptyń kómegimen oryndalǵan jańa ashylý ǵalymdar úshin óte mańyzdy proses.

 7 ashyq ǵalamshar Jerden 30-40 jaryq jyl qashyqtyqta. Baltımordaǵy ǵaryshtyq zertteý ınstıtýtynyń astronomy Nıkol Lúıstyń aıtýy boıynsha, bul ǵalamsharlarǵa Jerden  reaktıvti ushaqpen 40 mıllıon jylda ushyp barýǵa bolady eken.

Búgingi ýaqytqa deıin ǵalymdar «Jerge uqsas» dep on shaqty ǵalamshardy anyqtaǵan bolatyn. Alaıda, eshqandaı ǵalamshar dálelderge negizdelmegen.

Kembrıdj ýnıversıtetiniń zertteýshisi Amorı Trıo TRAPPIST-1 orbıtasynyń mańynan tabylǵan ǵalamsharda jylýdy saqtap turatyn atmosferanyń baryn anyqtady. «Álemde tirshilik etetin ǵalamsharlardan Jerdiń ǵana bolýy mindetti emes qoı» dep aıtty suhbatynda.

Jalpy, NASA tiziminde 3449-ǵa jýyq ǵalamshar anyqtalǵan eken. Alaıda, sońǵy ashylý el ǵalymdarynyń kóńilin ózine aýdartýda. Sebebi, TRAPPIST-1 juldyzy kólemi jaǵynan basqa juldyzdarǵa qaraǵanda kishkentaı jáne jaryq btaratý jyldamdyǵy da báseńdeý. Osy ýaqytqa deıin ózge ǵalamsharlyqtar jónindegi taralaǵan áńgime, búgingi ashylýda rastalǵan sekildi.  

Aýdarǵan: Gúlim JAQAN