Qytaıdaǵy tanymal telejoba «Men ánshimin» baıqaýyna qatysyp jatqan otandasymyz baıqaýdyń altynshy kezeńinde taǵy da birinshi oryndy alǵanyn habarlaǵan bolatynbyz.

Dımash qatysyp jatqan án baıqaýynyń altynshy kezeńinde Adagio ánin pıanınoda oryndaǵan. Tik turyp qurmet kórsetken kórermendi tańdaı qaqtyryp, taǵy da talassyz birinshi oryndy alǵan. Baıqaýdyń atalǵan sany búgin Hunan telearnasynan kórsetildi. Bir qyzyǵy atalǵan án Dımashty kezdesýge shaqyrǵan Lara Fabıannyń oryndaýynda tanylǵan. Aıta ketetin bolsaq, Dımash atalǵan baıqaýdyń alǵashqy eki kezeńinde de birinshilikti alyp, mıllıardtar elinde fenomenge aınalyp úlgerdi. saıystyń birinshi kúninde qazylar alqasy tarapynan eń joǵarǵy upaı jınap, jeńimpaz atandy. 10 qańtar kúni Dımash Qytaı kórermeniniń aldyna alǵash ret shyqqan soń, jas ánshi týraly Qytaı baspasózi jaza bastaǵan. Tipti keıbir basylym ony «Dımash – Táńir ózi nazaryna alǵan jas ánshi» dep baǵalaǵan edi. Esterińizge salsaq, Dımash 1, 2 kezeńde birinshi oryn, 3, 4 kezeńde úshinshi oryn, 5 kezeńde 5 oryn alǵan bolatyn. Eske salaıyq, Dımash Qudaıbergenov Vıtebskte ótken "Slaván bazary-2015" halyqaralyq baıqaýynda jeńimpaz atanǵan edi. Ol, sonymen qatar, "Shyǵys bazary" jáne "Meıkın Azıa" baıqaýlarynyń Gran-prı ıegeri.