QR ókildigi Reseıdegi Ren-TV telearnasyna resmı hat joldap, "112" aqparattyq baǵdarlamasynda ketken qatelikti túsindirip berýdi talap etpek. Sebebi atalǵan baǵdarlama jedel medısınalyq járdem júrgizýshisin soqqyǵa jyqqan qazaqstandyq bıznesmen týraly aıtqan kezde Parlament Senatynyń tóraǵasy Qasym-Jomart Toqaevtyń fotosyn kórsetken. Tengrinews.kz-tiń jazýynsha  QR Syrtqy ister mınıstrliginiń baspasóz hatshysy Nurjan Aıtmahanov bul is boıynsha Qazaqstannyń reseıdegi elshiligi aınalysyp jatqanyn aıtypty. Iaǵnı Ren-TV telearnasynyń basshylyǵyna  resmı hat  daıyndalǵan. Nurjan Aıtmahanov: "Olar máselesin mán-jaıyn túsindirip berýi tıis. Eger aqparat ótse, ony joqqa shyǵaryp, málimdeme jasaýy shart", - deıdi.

Atalǵan arnada sújette aıtylǵan oqıǵa 22 tamyzda bolǵan. Shaqyrtý boıynsha kelgen dárigerler brıgadasy Rolls-Royce avtokóliginiń jolyn bógegen. Sheteldik kóliktiń ıesi janjal shyǵaryp, "jedel járdem" júrgizýshisin uryp-soqqan. Rolls-Royce qojaıynyna birneshe er adam kómekke keledi. Olardyń áreketinen júrgizýshige arasha túsken feldsher de taıaq jep qaldy. 26-27 tamyz kúnderi kórsetilgen "112" baǵdarlamasynda jýrnalıser Rolls-Royce ıesi týraly tolyq áńgimelemek bolyp, sújettegi kúdiktiniń Máskeýdiń 55 jastaǵy turǵyny degen,  kúdikti retinde Qasym-Jomart Toqaevtyń sýreti kórsetilip, al kadr syrtyndaǵy júrgizýshi "Mine, mynaý – astananyń (Máskeýdiń) 55 jastaǵy turǵyny Jomart Qamenov" dep daýystaǵan. Tipti jýrnalıser "qazaqstandyq bıznesmenniń úıine mılısıanyń jıi keletinin" aıtyp, kórshileriniń Rolls-Royce qojaıynyn "qyzýqandy qazaq" degen pikirin kórermenge usynǵan.

Qazir QR SİM atalǵan Jomart Qamenov esimdi qazaqtyń qaı eldiń azamaty ekenin anyqtap jatqan kórinedi.

Qamshy-aqparat