NASA  (AQSH-tyń aeronavtıka jáne ǵarysh keńistigin zertteý jónindegi ulttyq basqarmasy) ǵaryshkerlerdi asteroıdterge nemese, tipti, Marsqa jetkizetin zymyrandardy 2018 jyldyń qarasha aıyna deıin ushyrady. Bul týraly osy uıymnyń baspasóz qyzmeti habarlaǵan.

Tengrinews.kz-tiń jazýynsha bundaı qadam Space Launch System atty jańa júıeniń aıasynda iske asyrylmaq. Ol astronavtar men júkti Jer orbıtasy shegine jetkizýge múmkindik beredi. Bul júıeni iske qosý - Marsqa jasalatyn alǵashqy ekspedısıanyń basy. Bul týrasynda: NASA basshysy Charlz Bolden: "Biz adamzatty Marsqa jetkizetin ǵylymı-adamı zertteýler jolynda turmyz. Biz bul jolǵa ákeletin zymyran tasyǵyshtar men basqa da kómekshi júıelerdi jasaý ıdeıasyna nyq senimmen qaraımyz", - deıdi.

Alǵashqy synaq ushyrylymyna salmaǵy 70 tonna bolatyn shaǵyn júgi bar zymyran tasyǵysh pen jalpy salmaǵy 143 tonna bolatyn aýyr júgi bar zymyran paıdalanylady. 70 tonnalyq zymyran tasyǵyshtyń quny 7 mlrd dollardan asady.

Aıta ketetin bolsaq, Mars – kún júıesindegi jerge eń jaqyn ornalasqan ǵalamshar. Adamzat balasy jarym ǵasyr ýaqyt buryn alǵash ǵaryshty meńgerip, aıǵa tabanyn tıgizdi. Sol ýaqyttan beri ǵalymdar Sholpan men Marsqa jetý týraly izdenip keledi. Jerdiń Marspen ara qashyqtyǵy eger jer Kún men Marstyń dál ortasyna keler bolsa 55,76 mln km-di quraıdy.

Qamshy-aqparat