Osydan 95 jyl buryn qaıtys bolǵan búldirshin kún sáýlesi jerge túsken boıda kózin ashyp-jumady dese sener me edińiz? Al mundaı jaǵdaı Italıadaǵy sısılıalyq Palermoda ornalasqan shirkeý ishinde kúnige oryn alyp turady. Derekkóz: alashainasy.kz

Sol shirkeýdiń jertóresinde eki jasar búldirshinnen basqa eki myńnan astam máıit saqtalǵan. Tolyq aty-jóni Rozalıı Lombardo esimdi bul qyz bala 1920-shy jyly ókpesi qabynyp qaıtys bolǵanda onyń Marıo esimdi ákesi qaıǵydan qan jutyp, bu dúnıemen qoshtasýǵa bel býady. Sol kezde belgisiz bir adam ómirden túńilgen álgi beıbaqqa qyzynyń denesin bálzamdaýǵa bylaı dep keńes beredi: - «Adam denesin bálzamdaý tásili bizdiń eramyzǵa deıin İİİ-ǵasyrdan bastap Mysyr elinde ara-tura kezdesip turady. Jáne ondaı bálzamdy kez kelgen adamnyń denesine jaǵa bermegen. Bálzam tek tańdaýlylar men qalaýlylarǵa, el bolyp jınalyp, daýys berý nátıjesine qaraı jaǵylatyn. Al sizdiń qyzyńyzdyń jóni bólek. Sebebi, sizdiń qyzyńyz beıkúná, perishte qalypynda ómirden ozdy. Sondyqtan sizdiń sheshimińizge eshkim qarsy kele qoımas». Jáne ol adamnyń aty-jóni kim ekeni, qandaı mamandyq ıesi bolǵandyǵyn aıǵaqtaıtyn týraly qandaı da bir málimet joq.

Qaıtys bolǵan qyzynyń qasynda meılinshe uzaq ýaqyt bolýdy qalaǵan Marıo Lombardo esh oılanbastan sol zamandaǵy asa tanymal mysyrlyq Alfredo Salafıa esimdi bálzamdaýshyny aldyrtyp, qyzynyń denesine ýyzǵa uqsas aqshyl sary suıyqtyqty jaqtyrtady. Bálzamdaýshy aldymen Rozalınanyń denesindegi qandy formaldegıd qospasyna almastyrsa, artynan bálzamdy birkelki etip jaǵady. Jáne ol Marıoǵa qyzynyń denesine spırtti ózi belgilep bergen keste boıynsha júıeli túrde jaǵyp turýdy tapsyrǵan eken.

Arada aılar ótip, jyldar jyljysy da búldirshin máıiti óte jaqsy saqtalǵan. Sondyqtan bolar bir ǵasyr buryn qaıtys bolǵan eki jasar Rozalıa kúnige tań aǵaryp atqan shaqta mindetti túrde kózin ashyp, jumady eken. Senbeseńiz myna beınejazbaǵa qarańyz!