Meniń atym – Nurdáýlet, tegim – Nurádil. Adamdar aty-jónimdi jıi shatastyrady. Mundaı jaǵdaı sizderdiń bárińizdiń basyńyzda bar! "-ov", "-ev"-ten qutylǵan qazaqtardyń aty endi jańyltpashqa aınaldy. Qaısysy aty, qaısysy jóni nemese erkek pe, áıel me bilý qıyn. Mysaly, Beıbit Qurmanaı , Janat Baqyt degen kisiler bar. Qazaqta Beıbit pen Janat qyzdarǵa da, uldarǵa qoıyla beretin esim. Kórsetilgen aty-jónnen er adam, ne áıel adam ekenin aıyrý qıyn (sýreti bolmasa). Eger Beıbit Qurmanaıuly, Janat Baqytqyzy nemese kerisinshe, Beıbit Qurmanaıqyzy, Janat Baqytuly bolsa, bári túsinikti bolar edi. Menińshe, kez-kelgen adam osy bir máselege jaýapkershilikpen qaraýy tıis. Zań boıynsha azamatqa eki múshelik (tegi jáne aty) jazýǵa múmkindik berilgen. Ol boıynsha Qurmanaıuly Beıbit nemese Baqytqyzy Janat dep jazýǵa bolady. Menińshe, osylaı jazý durys. Biz ózgerte almasaq ta, balalarymyzdy osylaı jazdyrýǵa tyrysaıyq, aǵaıyn! 
"Dań dýń, Chań chýń" dep qytaılardyń atyna kúlemiz. Sońǵy kezdegi qazaqtardyń "erekshe" esimderi kóbeıgenin eskersek, bizden de "Chaı Paı, Áıt Dóıtter" shyǵyp júrmesine kim kepil.

Men "-ULY" jáne "-QYZY" dep jazýdy qoldaımyn! Siz de qoldańyz!

Nurdáýlet Nurádil