Oralda 28 tamyz kúni kúndiz janarmaı quıý beketterinde shaqyrymdarǵa sozylatyn kezek paıda boldy, - dep habarlaıdy jergilikti basylymdarǵa silteme jasaǵan Tengrinews.kz.  Oral qalasy boıynsha kólik otyny tek birneshe bekette ǵana talonsyz satylyp jatyr eken, sol sebepti ol beketterdiń aldynda uzyn-sonar kezek qalyptasqan. Keıbireýler kezekke tań qylań bergennen turǵan.

Batys Qazaqstan oblystyq energetıka jáne turǵyn úı-kommýnaldyq sharýashylyq basqarmasynyń energetıkany damytý bóliminiń bastyǵy Qansulý Ótepqalıeva búginde AI-92 markaly benzınniń qaladaǵy qory - 1087 tonna ǵana ekenin aıtqan. Taǵy 15 vagon otyn Tuztóbe (Sol-Ilesk) mańynda tur, olardyń árqaısysyna 60 tonna tıelgen. "Ýralskaıa nedelá" basylymynyń habarlaýynsha, mamandar janarmaı tapshylyǵynyń qarasha aıyna deıin sheshe almaıdy, sebebi Reseıdiń bizge jaqyn munaı óńdeý zaýyttarynda janarmaıdy jiberý jónindegi saýda tek eki aıdan soń ótedi, qazaqstandyq zaýyttar ishki naryqty qanaǵattandyra alatyn kólemde janarmaı óndire almaıdy. 

Qamshy-aqparat