Adamdardyń ásirese, jańa tanystardyń esimderin este saqtaý qajetti qabilet ekeni belgili. Bul másele tikeleı adamnyń jadysyna qatysty bolsa da, adam esimderin, telefon nómirlerdi este saqtaǵanda des bermeıtin, al kerisinshe jalpy este saqtaý qabileti nashar bolatyn adamdar bolady. Osy taqyrypta «Qamshy portaly» adam esimderin este saqtaýdyń tıimdi tásilderin usynady.
Kóptegen bıznes trenerlerdiń aıtýynsha, adamdar esimin jattaı alý kompanıa jetekshileri men jumys berýshiler úshin jumysshylarynyń senimine kirýdiń eń tıimdi, effektıvti tásili. Al menedjerler óz kezeginde potensıaldy klıenttermen túsinistik ornatý maqsatynda esimderdi jattap alý úlken suranysqa ıe ekenin jasyrmaıdy.
Belgili bir ortaǵa kirip adamdardyń attaryn jatqa ataı alý qabileti ol adamdar týrasynda sizdiń pikirińiz ben oıyńyzdyń mańyzdy ekenin kórsetedi.
Adam esimderin este saqtaý qabileti eger siz jumys berýshi, jetekshi bolsańyz jumysshylardyń jumys kórsetkishin joǵarylatady, senimdilik beredi.
«Adam-bul jad». Onyń damýyna kóp mán berilýi tıis. Búgingi kúni biz ártúrli gadjet quraldaryna júginemiz, alaıda jadty jattyqtyrý esh ýaqytta artyq bolmaıdy.
Memorize Academy kompanıasynyń negizin qalaýshy Kaıl Búkenen «Jadtyń, este saqtaý qabiletiniń nashary bolmaıdy» deıdi. Tek este saqtaýdyń arnaıy tásilderine mashyqtaný kerek.
Jadty zertteıtin sarapshylardyń aıtýynsha, jańa tanysqan adamnyń esimin ol ózin tanystyrǵan ýaqytta birden saqtap qalý kerek, muqıat este saqtaý qajet. Keıde adamdar ózderiniń oılary men problemalary esebinen kóp nárseni este saqtaı bermeıdi.
Odan keıin jańa ǵana estigen esimdi belgili bir vızýaldy obrazben baılanystyrý (máselen esiminiń aıtylýyndaǵy erekshelik nemese syrt kelbetindegi erekshelikti eskerý).
Aıtalyq, kezdesýde siz ózińizge qyzyqty adamdy kezdestirip qaldyńyz. Ol sizge óz -ózin tanystyrady. Dál sol ýaqytta muqıat bolýyńyz. Ol adam esimin ataǵanda ony vızýaldy obrazben baılanystyryńyz.
Máselen, siz tanysqan adamnyń aty Qarlyǵash bolsa, ony quspen nemese taǵy bir detaldarmen baılanystyryp obraz jasaýǵa bolady.
Umytylǵan esim úlken problemaǵa aınalýy ábden múmkin. Ásirese, iskerlik ómirde.
Esimdi umytyp qalý úlken ádepsizdik, ojarlyq. Qasyńyzdaǵy adam oǵan qurmetsizdik tanytyp tur dep oılap qalýy múmkin.
Kez kelgen adam úshin onyń esimi aıryqsha, ýnıkaldy. Sondyqtan ár adam úshin óziniń esimin syılamaý, ózin syılamaýmen birdeı.
Este saqtaý qabiletin damytý adamnyń boıyndaǵy basqa da qabiletterdiń damýyna jol ashatyny psıhologtarmen dáleldenip otyr.
Este saqtaý qabileti jaqsy jumys isteıtin adamdardyń elestetý qableti men fantazıasy, qıaly damýy jaǵynan áldeqaıda alda bolady. Sonymen qatar problemalardy sheshýge shyǵarmashylyq turǵysynan keledi.
Jady bul esimderdi este saqtaý qabileti ǵana emes, qarym-qatynas, áńgimelesý úshin, sheshim qabyldaý úshin qajetti.
Ǵalymdardyń pikirinshe, adamnyń qaı salada jumys isteıtinin este saqtaý, sol adamnyń óziniń esimin este saqtaýǵa qaraǵanda áldeqaıda jeńil. Máselen, eger siz Arman esimdi muǵalimdi kezdestirseńiz, siz onyń muǵalim ekenin, sabaq beretinin tez este saqtaısyz. Alaıda ol muǵalimniń esimi Maqsat ekenin umytyp ketesiz. Sebebi Maqsat esimdi qanshama muǵalimder bar bolýy múmkin. «Maqsat» degen esim men muǵalimdik kásip bir birimen baılanyspaıdy.
Adamdardyń esimin este saqtaýǵa tıimdi bes tásil:
1. Muqıat tyńdaý. Kóbine-kóp, biz- adamdardyń óz-ózderin tanystyryp nemese ózderi týraly aıtyp jatqan kezde,olardy tyńdaýdyń ornyna ózimizdiń ne aıtatynymyzdy oılanyp turamyz.
2. Esimdi qaıtalaý. Jańa tanysyńyzdyń esimin estigende ony bir-eki ret qaıtalaýyńyz qajet. Ersi kórinbes úshin, onyń aty qalaı jazylatynyn surasańyz bolady nemese «Tanysqanyma qýanyshtymyn, .....» dep esimin qosyp aıtsańyz bolady.
3. Esimge sáıkes keletin obraz qurastyryńyz.
4. Qurastyrǵan obrazdy adamnyń syrt kelbetimen baılanystyrý
5. Taǵy da bir ret osy aqparatty oı eleginen ótkizý
Azdaǵan ýaqyt ótken soń jańa tanysqan adamdardyń esimderin, olardyń nemen aınalysatyndary jónindegi aqparatty eske túsirý artyq bolmaıdy.
Nazerke Musa
