Astanada jergilikti ýaqyt boıynsha 11.05 mınýtta, BUU ıadrolyq qarýdy synaýǵa qarsy Halyqaralyq kúnine oraı, synaq qurbandaryn bir mınýttyq únsizdikpen eske alý sharasy ótti. Bul týraly QazAqparat jazdy.

«Iadrolyq synaqtyń zardabyn bastan keshken Qazaqstan halqy úshin ıadrolyq qarýdy túp-túbirimen joıý máselesi - ómirlik mańyzǵa ıe maqsat», - dedi QR Syrtqy ister mınıstrliginiń Aıryqsha tapsyrmalar jónindegi elshisi Barlybaı Sadyqov Ortalyq komýnıkasıalar qyzmetinde ótken brıfıńte.

QR Prezıdenti N.Nazarbaev Semeı polıgony jabylǵan kún - 29 tamyz kúnin ıadrolyq synaqtarǵa qarsy Halyqaralyq is-qımyl kúni dep jarıalaý bastamasyn kótergen bolatyn.

Semeı polıgony jabylǵannan keıin álemde Nevada, Novaıa Zemlá, Lob-Nor men  Mýrýroa polıgondary jarylysty toqtatty. 40 jyl ishinde Semeıde 500-ge taıaý ıadrolyq jarylys oryn aldy, 1,5 mln. adam zardap shekti.

Qamshy-aqparat