Almatyda halyq arasynda «baraholka» atanǵan jaıma bazardy taǵy da órt shaldy. QazAqparattyń habarlaýynsha, mundaǵy «Alataý» bazarynyń birqatar saýdalyq oryndary órtke oranǵan.
Qazirgi sátte, oqıǵa ornyna órt sóndirý qyzmeti men shuǵyl kómek brıgadalary órt sóndirý jumystarymen aınalysýda. Bazar qyzmetkerleriniń aıtýynsha, órt shamamen búgin tańǵy saǵat 8:00 bastalǵan. Al órttiń shyǵýy týraly Almaty qalasynyń tótenshe jaǵdaılar departamenti ázirge qandaı da bir túsinikteme berýden bas tartýda.
Esterińizde bolsa, atalǵan bazar aýmaǵynda byltyrǵy jyly birneshe ret úlken órt boldy. Onda birneshe júz mıllıon teńgeniń týararlary janyp ketti. Almaty qalalyq, Soltústik aınalma joldyń ústine salynǵan atalǵan bazar kólik qozǵalysyna aıtarlyqtaı nuqsan keltiredi ári bazarǵa kelýshilerdiń kólik turaǵy qarastyrylmaǵan. Sondaı-aq bazar aýmaǵynda órt qaýipsizdigi men ekologıalyq, sanepıdemıologıalyq talaptar saqtala bermeıdi. Soǵan qaramastan bul bazarda júzdegen adam úlkendi-kishili saýdamen aınalysyp, nápaqa aıyrady.
Qamshy-aqparat
