Kún saıyn áleýmettik jelide mıılıardtaǵan foto jarıalanady. Keıde tipti sátti kadr úshin óz ómiri men densaýlyǵyn qaterge tigýge daıyndary da bar. Selfı jasaımyz dep kóz jumǵandary da jeterlik.

26 jastaǵy Kolett Moreno úshin qurbysymen túsken myna kóńildi fotosy ómirindegi eń sońǵy sýret boldy. Kameraǵa qaraımyn dep, joldyń qarsy betine shyǵyp ketken qyzdar júk kóligimen soqtyǵysady. Kolettiń jaqynda toıy ótýi kerek edi. Kolett toı aldyndaǵy qyzdarmen kezdesýge bara jatqan.

Fotodaǵy myna quzdan erli-zaıyptylar sýretke túsemiz dep tepe-teńdigin ustaı almaı qulap ketken. Olardyń kishkentaı balalaryna psıhologıalyq kómek kórsetildi. Sebebi olarlyń ata-anasy balalardyń kózinshe kóz jumǵan.

Anna Ýrsa esimdi rýmyndyq qyz poezdtyń ústinde selfı jasamaq bolǵan. Foto erekshe shyǵý úshin 18 jastaǵy qyz aıaǵyn kótergende symǵa aıaǵy tıip ketip, 27 000 vatt toq Annanyń denesin pisirip jibergen.

Meksıkandyq Oskar Ogılar Otero qymbat kóliktermen, ádemi áıeldermen fotoǵa túskendi unatatyn. Osy joly ol foto álbomyna tapanshamen túsken fotosyn qosýdy oılaıdy. Oskar baıqamaı tapanshamen ózine atyp jibergen.

Ksenıa Ignatovnanyń muraǵatynda ómirin qaterge tikken fotolar kóp. Kópirdegi kezekti fotosy onyń sýretter jınaǵyn taǵy bir ekstrımaldy fotosymen tolyqtyrýy kerek edi. Alaıda oǵan shyǵyp bara jatyp, qyzdyń aıaǵy taıyp ketedi. Ol qolyna túsken eń birinshi zatty ustap qalady. Ol toqtyń symy edi. Ksenıany toq soǵyp sol jerde til tartpastan kóz jumdy.

Fılıppınge dostarymen demalýǵa barǵan 18 jastaǵy qyz onda ólim qushatynyn múlde oılamady. Qurylys fakýltetiniń stýdenti fotodaǵy jerde sýretke túspek bolǵanda sýdyń qatty aǵysy onyń aıaǵynan shalyp sýdyń tereń jerine alyp ketedi. Stýdent qyzdy dostary qutqara almady. Osylaısha qyz kóz jumdy.