Dımash qudaıbergen Qytaıdyń Weibo arnasyna suhbat berdi. Qytaıdyń I am singer baıqaýynyń ár kezeńinen súrinbeı ótip, fınalǵa ótken otandasymyz búginde barsha álemge tanymal juldyzǵa aınaldy. Suhbat barysynda I am singer baıqaýyna qalaı daıyndalǵany, ánderdi oryndaýda nege basa mán bergenin aıtty.
«Qytaı tilin biletin adamdar úshin ár sózdiń maǵynasy bar bolsa, men ánniń tolyqtaı maǵynasyn bilsem de, ár sózdiń maǵynasyn jete túsnbeımin» dep qytaı tilin úırený kerek ekenin aıtty.
Eske sala keteıik, baıqaýdyń 8-kezeńinde Dımash Han Hýnnyń «Tań atty» ánin tamaǵy aýryp turǵanyna qaramastan, joǵary deńgeıde oryndap shyqqan bolatyn. Oǵan barsha kórermen kýá. Bul jaıynda da óz pikirin bildirdi:
«Densaýlyǵyma alańdap jatqan jankúıerlerime alǵysym sheksiz. Sahnaǵa shyǵar aldynda arnaıy ekpe jasattym. Ol ekpeniń kúshi 10 saǵatqa ǵana áser etedi. Alaıda, aýyryp tursam da fonogrammen án aıtqym kelmeıdi. Halyqtyń aldynda barynsha shyn beınemdi kórsetkim keledi», - dedi Dımash suhbat barysynda.
