E P I G R A M M A L A R (Merekelik ázilder)
Qazaqstan Respýblıkasynyń tuńǵysh Prezıdenti, Elbasy, Túrik áleminiń lıderi -
NURSULTAN ÁBİSHULY NAZARBAEVKE!
Tuıe baqsa Abylaı, ol dalada qoı baqty.
Jigit bolyp er jetip, temir, shoıyn "qaınatty".
El bastady tý ustap, izin basyp Babanyń,
Qaq tórine Alashtyń, Aqordasyn jaınatty!
Batystaǵy "Aıýdy", shyǵystaǵy "AıdaHar",
Aıtqanyna kóndirgen aqyl asqan - aılaker!
Kedeıleý halqyn búgingi, 2050 ge "sendirgen",
Nur - ekeńdeı Prezıtent aıtyńdarshy qaıda bar!
* * *
Qazaq stanyń halyq artısi, ónerdegi aqylshy aǵalarymnyń biri – NURǴALI NÚSİPJANULYNA!
Aqıyǵy ónerdiń asqaq ánshi Nur – aǵań!
Talaı sulý talyqsyp qushaǵyna qulaǵan!
Syıqyrynan daýsynyń kempir - shaldar kemseńdep, Besiktegi bala da ýanady jylaǵan!
Seksen jasta "sekirip" sahnada án saǵan,
Aldymdaǵy Nartulǵa aǵa barǵa qýanam!
* * *
Túrik áleminiń uly aqyny, jyr dúldúli, qoǵam qaıratkeri – MUHTAR SHAHANOVKE!
«Jeltoqsannyń jarasyn jazamyn» - dep «emshi bop»,
Qyrǵyz jaqqa aıdaldyń biraz jylǵa Elshi bop.
Endi júrsiń kúresip, "jańa qazaq" máńgúrtpen,
"Oıatam" - dep namysyn qara qaıraq, qamshy bop!
«Qazaq til» - dep shyryldap, daýsyń qaldy qyryldap.
Qalǵyp - múlgip otyrsań keı bireýdeı "pyryldap",
Shirener eń "kók úıde" depýtat bop qaıtadan,
"Kaıf" bolyp karta oınap, qyz - qyrqynǵa qyryndap!
* * *
2
Qazaqstannyń halyq artısi, QR Parlament Májilisiniń depýtaty, qoǵam qaıratkeri, bulbul kómeı ánshi, ónerdegi baýyrym - BEKBOLATQA!
Depýtat s borodoı,
Qaıda júrse s dombyroı!
Erinide nasybaı,
Mınıstrdi na dýel,
Shaqyrady jasymaı!
Qalam alsa - ǵalymdaı!
Májiliste orator,
Pikir aıtar jalyndaı!
Qobyz alsa - Qorqyttaı!
Bárin aıtta, birin aıt,
Án salǵanda Bekbolat,
Birjannan qalǵan sarqyttaı!
* * *
Qazaqstannyń halyq artısi, Qazaqtyń teatr men kıno óneriniń Darabozy, óner jolyndaǵy jastyq shaǵymyzda talaı qyzyqty birge ótkizgen qurdasym - TUŃǴYSHBAIǴA!
Qarap toımas kelbetti, terekteı bergen boıdy da!
Ózi akter, ózi aqyn, basqaryp keter toıdy da!
Profesor ataqty, seriligi taǵy bar,
Ánshi bop ketti bir kezde, dırektorlyqty qody da!
"Qaıyrly tańdy" júrgizip, kórermendi kúlgizip,
"Mır" - ǵa da shyǵyp aıtty ol, halaqaralyq oıdy da!
Sen ediń somdap qazaqtyń, Handaryn uly tiriltken,
Elbasy sony eskerse, arasha túser QAIǴYŃA!
* * *
Qazaqstannyń halyq artısi, osy zamannyń serisi, uly Nurǵısa aǵamyz «Sary bala» atandyrǵan, «qaralardy» qadirleıtin dosym – ALTYNBEKKE!
«Qara kempir», «Qara shal»
Bata bergen Sarbala!
"Qara qyzdy" qushaqtap,
Jata bergen - Sarbala!
"Qara pıma" tozdyryp,
Zyta bergen - Sarbala!
Qarta oınaǵan dostaryn,
3
Uta bergen - Sarbala!
Ózi sary bolsa da,
"Qara bala" taptyrǵan!
Kóre almaǵan dushpanǵa,
Baltyrynan qaptyrǵan!
Ataǵy men "shataǵyn",
Ýaqytynda ap turǵan!
Sarbaladaı dosyma,
Naýryzda tileımin,
Uzaq ǵumyr taǵdyrdan!
AIMUHANBET BEISEMBEKO
