Buǵan deıin «Qamshy» portalynda Nurdyn Turǵyn atty jas kásipkerdiń iskerligi týraly birneshe maqala jarıalanǵan bolatyn. Qytaıdaǵy qandastar arasynan shyqqan Nurdyn jas ta bolsa birneshe kásiptiń basyn qaıyryp, óz qataryna úlgi bolyp júrgen azamat. Ol taıaýda ǵana "MILLIARDTAR ELİNDE JINAǴAN TÁJİRIBEMDİ QAZAQ ELİNDE QAJETKE JARATSAM..." dep suhbat bergen edi.
Jaqynda ǵana Nurdyn Turǵynnyń júrekti eljiretken haty ınternette taraldy. Buǵan deıin redaksıamyzǵa birneshe ret kelgen Nurdyn áńgimesinde «Qazaq-qytaı arasynda issaparmen júrgende eki shekaranyń ortasynda uldy bolǵanymdy estidim. Balamnyń esimin bir jaqyn aǵam yrymdap «Nurjol» dep qoıdy» degen edi. Sol Nurjol sanaýly kúnderden keıin bir jasqa tolady.
Nurjoldyń ákesi Hatynda,
«Assalaýmaǵaleıkúm! Qurmetti janashyr jandar!
Aýrý aıtyp kelmeıdi deıdi. Qıyndyq basqa túskende ómirden túńiletin kezderińiz bolatyn shyǵar. Biraq úmit bar jerde bolashaq ta bar. Jaqynda balam tuıyqsyz aýyryp, Quljadaǵy aýrýhanalardyń birine aparǵanymyzda olar balamnyń dıagnozy aqqan aýrýy bolýy múmkin ekenin aıtyp, naqtylaý úshin Úrimjige jibergen bolatyn. Úrimjidegi «Medısına 1» aýrýhanasy balama «jedel harakterli shemirshek aqqan aýrýy» dep dıagnoz qoıdy. Tek qana hımıalyq jolmen emdeledi eken. Nátıjeli bolyp jatsa súıek maıyn aýystyrmaqshy. Bir jas otbasynyń materıaldyq jaǵdaıy qazir qanshalyqty bolatyny belgili. Emdeý aqysy óte kóp qarjyny talap etedi.
Hımıalyq emdeý 6 kezeńnen turady. Bul barysta dárigerler bala tolyq saýyǵyp ketýi úshin qanshalyqty qarajat ketetinin esepteı almaı otyr. Qazirdiń ózinde kúnine 3000-5000 ıýán(150 myń – 250 myń teńge arasy. –red) qarjy jumsap otyrmyz.
Aınalamyzda janashyr jandar kóp dep bilemin. «Kóp túkirse kól bolady» deıdi. Qoldaryńyzdan kelgenshe kómek kórsetýlerińizdi suraımyn», - deıdi egile.
Ol 2015-jylǵy Qytaıdaǵy «Internetten kásiptengen jas juldyz kásipker baıqaýynda» júldeger bolǵan. Sodan bastap kóptegen básekelerge qatysqan qandasymyz aımaqtyq «jańalyq jaratý jáne kásip ashý» básekesinde 600 nysannyń ishinde 60 myqtynyń qatarynda kóringen. Sondaı-aq, búkil Qytaılyq «Jas kásipkerlerdiń jańalyq jaratý» jáne kásip ashý jarysynda 150 myqtynyń qatarynan boı kórsetken. Sonymen qatar 2016 jyly Shyńjań boıynsha «Jastar birlestiginiń múshesi» bolyp quryltaıǵa qatysty. Ári, Shyńjań dárejeli jas kásipkerler birlestiginiń múshesi bolyp bekitilgen.
Degenmen qandasymyz aýrýdy jeńip, ulymen birge aman-saý elge oralýdy qalaıdy.
«Qamshy» portaly Nurjoldyń saýyǵyp ketýine kómekteskisi keletin oqyrmandar nazaryna Ákesi Nurdynnyń jáne Qazaqstandaǵy jaqyn týysy, Nurdynnyń týǵan ápkesi Gúlmarıanyń kartochkalyq esepterin qosa jarıalaıdy.
