Aqordada Qazaqstan men Ózbekstan prezıdenti keńeıtilgen quramda kezdesý ótkizdi, sonymen qatar birneshe dıplomatıalyq kelisimderge qol qoıdy dep habarlaıdy Qamshy.kz tilshisi.

Keshe Qazaqstanǵa Ózbekstan prezıdenti Shavkat Mırzıóev memlekettik saparmen keldi. Aqordada Nazarbaev Shavkat Mıromonulyn zor saltanatpen qarsy alǵany týraly habarlaǵan edik.

Qazaqstan men Ózbekstan prezıdentteri Aqordada keńeıtilgen quramda kezdesý ótkizdi.

«Qurmetti áriptester, qurmetti delegasıa, Ózbek baýyrlar! Qosh keldińizder! Shavkat Mırzıóev sizdi Prezıdent bolyp saılanýyńyzben shyn júrekten quttyqtaımyz!

Áz naýryzdyń kezinde Qazaqstanǵa kelip otyrsyzdar! Delegasıa maqsaty oryndalýyna túgel jaǵdaı jasaımyz. Bul alǵashqy memlekettik saparyńyz ǵana emes, Bizdiń elderimizdiń dıplom qatynasy qalyptasqanyna 25 jyl toldy.

Ózbekstan bizdiń strategıalyq áriptesimiz ári baýyrlas el. Josparlap otyrǵan kelisimder bazasynda 100 kelisim bar. Tilimiz, dástúrimiz jaqyn. Ózbekstanda mıllıonnan astam qazaq óz úıindeı ómir súrse, 500 myń ózbek Qazaqstanda turady.

Astana men Tashkent Ortalyq Azıada mańyzdy saýda áriptester. Ózbekstandyqtar búgin Qazaqstanda 800-den astam iskerlik áriptestik ornatyp otyr. Keshe ǵana Almaty Tashkent arasynda júrdek poıyz júre bastady. Jańa áýe, avtobýs reısteri ashylatyn bolady», - dedi Qazaqstan prezıdenti. Sondaı-aq, Ózbekstanǵa strategıalyq áriptes retinde senim bildiretinin aıta kele EKSPO kórmesine belsendi qatysýǵa shaqyrdy.

Mırzıóev óz kezeginde,

«Sizdiń osylaı qoshametpen qabyldap jatqanyńyzǵa,  senim artqanyńyzǵa, ashyq áńgimeńizge shyn júrekten raqmet aıtamyn!

Biz ózbekter qazaqtarmen bir atadan taraǵan týystyǵymyzdy joǵary baǵalaımyz. Osy kezdesýdi Samarqandaǵy ashyq dıalogtyń senimdi jalǵasy dep senemiz.

Bizde óte kóp rezerv pen múmkindik bar, búgin ótetin bıznes forým aıasynda aıtylatyn saýda-ekonomıkalyq josparlardy iske asyrýǵa úlken múmkindik jasalyp otyr.

Siz Qazaqstanda da Ózbekstanda da dostyqtyń úlgisisiz.

Osy otyrysta bizdiń shekaralas aımaqtyń eki ákimi qatynasyp otyr. Osy kezdesýden keıin kórshiles óńir ǵana emes, Óńirlik áriptestigimiz, yntymaqtastyǵymyz shynaıy nátıjesin beredi dep senemin.

Parlamentarlyq áriptestiktiń jańa kezeńi bastalady. Biz ekonomıkalyq áriptestikti nyǵaıtyp qana qoımaı Halyqaralyq terorızm men narkotrafıkke birlikte qarsy turamyz. Biz birlikte sheshe alatyn kóptegen suraqtar bar. Sheshe alamyz», - dedi qazaqstandyq áriptesine.

Budan soń eki el prezıdentteri men mınıstrler strategıalyq áriptestikti damytý týraly memleket aralyq kelisimsharttarǵa qol qoıdy.

Strategıalyq áriptestikti tereńdetý men kórshiles baýyrlastyqty nyǵaıtý týraly, Úkimetaralyq ekonomıkalyq áriptestik týraly jáne Ekijaqty tabys pen múlik salyǵyn jeńildetý týraly Úkimetaralyq kelisimge ózgerister men tolyqtyrýlar týraly kelisimsharttarǵa Qazaqstan Premer-mınıstriniń birinshi orynbasary Asqar Mámın men Ózbekstan Premer-mınıstriniń birinshi orynbasary A.Ramatov qol qoıdy.

Halyqaralyq avtomobıldik qatynas týraly kelisimge ózgerister men tolyqtyrýlar týraly kelisimshartqa Qazaqstannyń Investısıa jáne Damý mınıstri Jeńis Qasymbek pen Ózbekstannyń saýda jáne Syrtqy ekonomıkalyq baılanystar mınıstri E.Ganıev qol qoıdy.

2017-2018 jyldarǵa arnalǵan Ózara áriptestik týraly kelisimge Qazaqstannyń syrtqy ister mınıstri Qaırat Ábdirahmanov pen Ózbekstannyń syrtqy ister mınıstri A. Kamılov qol qoıdy.

Sondaı-aq, Qorǵanys mınıstrlikteri arasyndaǵy kelisimge QR Qorǵanys mınıstri  Jasuzaqov pen Ózbekstan Qorǵanys mınıstri Berdıev qol qoıdy.

Memleketaralyq kelisimderge qol qoıý rásiminen keıin Nazarbaev:

«Eń aldymen Shavkat Mırzıóevke baýyrlas halyqtarymyz qaster tutatyn Naýryz merekesinde elimizge kelip sapar jasaǵan úshin úlken alǵys bildiremin.

Bul kezdesý eki el arasyndaǵy Dostyq baılanysty nyǵaıtýǵa múmkinshilik beredi.

Kelissózderdi iske asyrýǵa eki eldiń úkimeti kirisip ketti.

Kólik, energetıka, ǵarysh, týrızm salasyndaǵy yntymaqtastyǵymyz ózara jandanyp keledi.

Biz áli de ilgerilep tıimdi yntymaqtastyqty arttyrýǵa tıispiz.

Ótken jyly eki al arasyndaǵy saýda aınalymy 2 mıllıard dollardy quraǵan. Sońǵy bes aıda otyz paıyzǵa artqan. 4 saýda úıi ashyldy. Ózbekstannan jemis-jıdek kólemi 25 paıyzǵa artqan. Astyq satý kólemin ulǵaıttyq.

Qazir ótkeli otyrǵan Qazaq-ózbek iskerlik forýmy sońǵy 25 jylda bolmaǵan. Bul iskerlik áriptestik forým ǵana emes óńiraralyq forým. Oǵan eki elden 500 isker qatysady.

Kelisimder arasynda sóz bolǵan baýyrlas elder arasyndaǵy sý paıdalaný máselesi de sheshiledi. Bul ondaǵan mıllıon adamdardyń ómiri úshin mańyzdy. Aral máselesin talqyladyq.

Qazaqstan men Ózbekstan ózderiniń yqpaldy potensıalyn paıdalana bilý kerek. Biz ózara mádenı-rýhanı baılanystarymyzdy da nyǵaıta túsemiz. Osy oraıda Bizdiń joǵary oqý oryndarynda ózbek stýdentter kelip oqıtyn bolady, jas stýdentterdi shaqyrdyq.

Ózbekstannyń burynǵy prezıdenti Islam Karımov strategıalyq áriptestikti damytýda kóp eńbek etti.

Shavkat Mırmonuly strategıalyq áriptestikti, áleýmettik ekonomıkalyq áriptestikti, gýmanıtarlyq áriptestikti nyǵaıtýda aıanyp qalmaıdy dep tolyqtaı senim artamyz.

Aramyzda sheshilmegen eshqandaı másele joq, Bul sapar Ózbek prezıdentiniń jańa tarıhı kezeńdi ashyp otyrǵan úlken jeńisi deýge bolady. Men óte joǵary baǵa beremin, Yntymaqtastyq pen áriptestiktiń jańa kezeńin ashty. Ózbekstan órkendeı bersin! Baýyrlas ózbek halqyna baqyt pen bereke tileımin!», - dep aıaqtady sózin.

Mırzıóev óz kezeginde Qazaqstan tarapynyń qoshametpen qabyldaǵanyna taǵy da alǵysyn aıta kelip, 13 memleket aralyq, vedomstvoaralyq, úkimet aralyq kelisim shartqa qol qoıylǵanyn jetkizdi.  Qazaq-ózbek iskerlik forýmyna 250 ózbek kásipker qatysatynyn aıtqan Shavkat Mıromonuly da forýmdy «Óńiraralyq jáne kásipkerlik áriptestik», dep baǵalady.

Sóz sońynda ol óziniń Qazaqstanǵa jasaǵan issaparyn shyndyǵynda issapar dep baǵalap, «Biz jasaǵan kelisimderdiń júzege asqanyn tekserý kerek qoı» dep ázildep, qatysyp otyrǵan barsha BAQ ókilderin Ózbekstanǵa kelýge shaqyrdy.