Ánýar Nurpeıisov: «Qazaq ulty báribir joıylady» degen meniń aıtqan sózderim emes

Elimizge belgili akter Ánýar Nurpeıisov jýyrda ǵana «Qazaq ulty erte me, kesh pe, báribir joıylady. Sondyqtan da ult úshin asa qatty qam jemeńizder» degen sózderi úshin synnyń astynda qalǵan bolatyn. Atalmysh iske qatysty akter áleýmettik jelide vıdeo arqyly kópshilikke jaýap berip, qazaqstandyq aqparattyq portaldy sotqa bermek, dep habarlaıdy «Qamshy»

Óziniń vıdeo joldaýynda Ánýar Nurpeıisov bylaı dedıi:

«Sálem, dostar! Sizderge sońǵy ýaqytta bolyp jatqan daý-damaıǵa qatysty jaýabymdy bergim keledi. Qazaqstandyq aqparattyq saıt óziniń biliksizdigin taǵy da dáleldedi. Jarty saǵat buryn Atyraý qalasyndaǵy forýmda «Qazaq ulty 500 nemese 1000 jyldan keıin joıylýy múmkin» degen sózder aıtqan bolatynmyn. Bul – múmkin, bul – gıpoteza. Negizinde, bul meniń sózderim emes. Bul sózderdi birneshe jyldan keıin álemde tek bir ult qana bolady dep esepteıtin fýtýrologtar aıtqan».

Sonymen qatar Qazaqstandyq portaldyń ózinen keshirim surap, qatelikterin jýyp-shaımasa, isti sot arqyly sheshetinin jetkizgen.

Akter Ánýar Nurpeıisovtyń vıdeo úndeýine qatysty áleýmettik jeli qoldanýshylary túrlishe pikir bildirýde.