2017 jyldyń 21 naýryz kúni QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń bastamasymen «Parasyz bolashaqqa. Birge!» respýblıkalyq aksıasy aıasynda Ońtústik Qazaqstan oblysynda alǵash ret Sybaılas jemqorlyqqa qarsy mobıldi toptyń halyqpen kezdesýi ótti. Aksıa Naýryz merekesi kúni Túrkistan qalasyndaǵy «Esim han» alańynda jappaı kópshiliktiń aldynda júrgizildi.  

Basty maqsat – halyq arasynda sybaılas jemqorlyqtyń aldyn alýdy túsindirý maqsatynda aýdan, qalalarǵa shyǵý, sonyń ishinde, memlekettiń sybaılas jemqorlyqqa qarsy saıasatynyń tıimdiligin arttyrý, sybaılas jemqorlyqtyń kez-kelgen kórinisine «múldem tózbeýshilik» ahýalyn jasaý arqyly sybaılas jemqorlyqqa qarsy qozǵalysqa búkil qoǵamdy tartý jáne Qazaqstanda sybaılas jemqorlyq deńgeıin tómendetý bolyp tabylady.   

«Mobıldi top» óz qyzmetinde qoldanylatyn nysanaly ındıkatorlary retinde - memlekettik kórsetiletin qyzmetter sapasyn jaqsartý,qoǵamnyń memlekettik bılik ınstıtýttaryna senimin, halyqtyń quqyqtyq mádenıetiniń deńgeıin anyqtaý, memlekettik qyzmetter kórsetiletin oryndarda jedel túrde azamattardy qabyldaýdy júzege asyrýdy belgiledi.   

«Sybaılas jemqorlyqqa qarsy mobıldi toptyń» quramy QR Memlekettik qyzmet isteri jáne sybaılas jemqorlyqqa qarsy is-qımyl departamentiniń, oblystyq sybaılas jemqorlyqqa qarsy Ulttyq búro departamentiniń, «Nur Otan» partıasy OQOF,  jergilikti atqarýshy organdar, aımaqtyq kásipkerler palatasynyń, kásipodaq ortalyǵy men memlekettik korporasıalar, ÚEU jáne BAQ ókilderinen turady.   

«Mobıldi top» arnaıy avtobýspen qoǵamdyq qabyldaýdy júrgizip, sybaılas jemqorlyqqa tózbeýshilikti qoldaıtyn adamdarǵa senimin bildirdi. «Mobıldi top» óz qyzmetin oblys kóleminde turaqty negizde júzege asyryp otyratyn bolady.  

 Elbasy jyl saıynǵy halyqqa Joldaýynda besinshi basymdyqty – ınstıtýsıonaldyq ózgeristerge, qaýipsizdikke jáne sybaılas jemqorlyqpen kúreske qatysty anyqtap, sybaılas jemqorlyqpen kúreste kóp nárse búkil qoǵamnyń belsene atsalysýyna baılanysty ekendigin atap ótti.  

Memlekettik baqylaý jáne qoǵamdy  memlekettiń sybaılas jemqorlyqqa qarsy saıasattymen aqparattandyrý Agenttiktiń negizgi qyzmetteriniń biri bolyp tabylady. Agenttik óz tarapynan osy qyzmetti júzege asyrýda elimizdiń árbir azamatyna túsindirý maqsatynda ártúrli ádister qoldanýda. 

Josparlanǵan is-sharalardyń basty habarlamasy – «Tabysty jáne gúldengen qoǵamdy sybaılas jemqorlyqtan erkin azamattar jasaýy múmkin».