Qaraǵandy oblysynda eki jol apatynan bes adam jáne bir kishkentaı qyz mert boldy, taǵy eki adam aýrýhanaǵa jatqyzyldy, - dep habarlaıdy Tengrinews.kz oblystyq İİD-niń baspasóz qyzmetine silteme jasap.
Alǵashqy JKO Qaraǵandy-Balqash tasjolynda Spassk aýylynan 20 shaqyrym jerde bolǵan. 27 jastaǵy er adam Mercedes Benz kóligimen qarsy baǵytqa shyǵyp ketip, Toyota Fortuner kóligine soǵylǵan. Mercedes júrgizýshisi men eki jolaýshy oqıǵa ornynda mert boldy. Toyota Fortuner kóliginde bolǵan anasy men eki jastaǵy qyz aýrýhanaǵa bara jatqan jolda kóz jumǵan. Toyota júrgizýshisine medesınalyq kómek kórsetildi, al onyń uly aýrýhanaǵa jatqyzylǵan.
Oblystyq densaýlyq saqtaý basqarmasynyń málimeti boıynsha, segiz jastaǵy bala qazir jansaqtaý bóliminde jatyr. Onyń jaǵy synyp, bassúıek mıy shaıqalǵan.
Ekinshi oqıǵa Qaraǵandynyń Kosmanavt kóshesinde bolǵan. Onda jolaýshylar avtobýsy men Mercedes Benz kóligi soqtyǵysyp, 26 jastaǵy jeńil kólik júrgizýshisi qaza tapty. Aldyn ala málimet boıynsha, avtobýs júrgizýshisi rólge ıe bola almaı qalǵan. Apat sátinde avtobýs salonynda 30-daı jolaýshy bolǵan. Olardyń ekeýine medesınalyq kómek kórsetildi. Avtobýs júrgizýshisi ýaqytsha ustaý abaqtysyna qamaldy.
Eki oqıǵa boıynsha da qajetti saraptamalar taǵaıyndalyp, sotqa deıingi tergeý bastaldy.
Almaty oblysynda Qulja tasjolynda eki kóliktiń soqtyǵysýynan segiz adam mert bolyp, taǵy bir adam zardap shekti. Oqıǵa naýryzdyń 23 naýryzǵa qaraǵan túni bolǵan.
Oblystyq İİD-niń baspasóz qyzmetiniń málimeti boıynsha, oqıǵa Eńbekshiqazaq aýdanynyń "Qazaqstan"aýylynyń mańynda bolǵan. Tasjoldyń 80-shi shaqyrymynda Nissan Primera jáne Toyota Vista kólikteri soqtyǵysyp, jeti adam oqıǵa ornynda mert boldy. Taǵy bir adam aýrýhanaǵa barar jolda kóz jumǵan. Tiri qalǵan jolaýshy Esik qalasynyń aýrýhanasyna jetkizildi.
"Bul jaǵdaıǵa baılanysty QR QK-niń 345-babynyń 4 taraýy boıynsha sotqa deıingi tergeý jumystary bastaldy. İs oblystyq anyqtaý basqarmasynda. Kerekti saraptamalar taǵaıyndaldy", - deıdi baspasóz qyzmetiniń ókilderi.
Aldyn ala boljam boıynsha, Nissan Primera qarsy baǵytqa shyǵyp ketken.
Sondaı-aq, kýágerler jol apatynan qaza tapqandardyń ishinde eki balanyń bolǵanyn aıtady.
