Soltústik Qazaqstan oblysynda partıalyq jáne qoǵamdyq qaıratkeri Jaqsylyq Ǵabdollauly Ysqaqovty 85 jyldyq mereıtoıymen quttyqtady.
Jaqsylyq Ǵabdollauly 1932 jyly Soltústik Qazaqstan oblysynyń Bulaq aýylynda týǵan, Qazaq memlekettik aýyl sharýashylyǵy ınstıtýtyn, K.A. Tımırázev atyndaǵy Aýyl sharýashylyǵy akademıasy men KOKP OK janyndaǵy Joǵarǵy partıa mektebin aıaqtaǵan.
Jaqsylyq Ysqaqov eńbek jolyn Polýdıno mashına-traktor stansıasynda agronom bolyp bastady.
1957-1959 jyldary Oktábr aýdanynyń Voroshılov atyndaǵy mashına-traktor stansıasynda, Lenın aýdanynyń «Zagradovskoe» keńsharynda bas agronom bolyp qyzmet etti.
1959 jyly Soltústik Qazaqstan oblysy LKJO oblystyq komıtetiniń ekinshi, keıin birinshi hatshysy bolyp bekitildi.
Ár túrli jyldary Soltústik Qazaqstan oblysynyń Tımırázev aýdanynyń atqarý komıtetiniń, keıin Beskól aýdandyq eńbekshi depýtattar keńesiniń tóraǵasy, Qazaqstannyń Komýnıstik partıasynyń Sergeev aýdandyq komıtetinde birinshi hatshysy qyzmetin atqardy.
1975 jyldan 1991 jylǵa deıin Soltústik Qazaqstan oblystyq atqarýshy komıteti tóraǵasynyń orynbasary, keıin birinshi orynbasary boldy, Pavlodar atqarýshy komıtetin basqardy.
1992- 2005 jyldary memlekettik organdarda túrli laýazymdardy atqardy.
Qyzmet barsynda «V.I. Lenın» ordenimen, «Qurmet belgisi», «Eńbekshi Qyzyl tý», «Oktábr tóńkerisi», «Halyqtar dostyǵy» ordenderimen, «Eren eńbegi úshin» medalimen marapattalǵan.
Mereıtoı ıesin quttyqtaı otyra óńir basshysy Qumar Aqsaqalov Jaqsylyq Ysqaqov oblys damýyna zor úles qosqanyn atap ótti.
«Soltústik Qazaqstan oblysy – bizdiń elimizdiń astyq qorynyń biri. Sizdiń basshylyǵyńyzben mal sharýashylyǵynda jańa tehnologıalar engizildi. Sonyń arqasynda et pen sút óndirisi 2 esege, ónimdiligi gektaryna 5 sentnerge deıin artqan. Biz sizdi keńesshi, basshy retinde bilemiz. Sizdi quttyqtaımyz, densaýlyq, otbasy amandyǵy men uzaq ǵumyr tileımiz», - dedi Qumar Aqsaqalov.
Sondaı-aq, mereıtoı ıesin oblystyq ardagerler keńesiniń tóraǵasy Eskendir Eleýsizov, eńbek ardagerleri – Zınaıda Beeva, Evgenıı Vıktorov, Kudaıbergen Qalıev, sonymen qatar, oblystyń «ODAQ» komsomol ardagerler keńesiniń ókili Valerıı Maslov quttyqtady.
«Aǵamyz atqa migen kúnnen bastap osy ýaqytqa deıin attan túspegen. Ol degen árbir adamnyń peshenesine jazylǵan emes. Biz sizden úlgi alyp,ónege alyp ósip kele jatyr. Birishiden, aǵamyz - ótkir, ekinshiden - aıtatyn sózi týra, óz sózin dáleldep shyǵady. Sizge densaýlyq tileımin, aman-saý bolyp júre berińiz», -dep quttyqtady Qudaıbergen Qalıev.
Óz kezeginde Jaqsylyq Ǵabdollauly jınalǵandarǵa alǵysyn aıtty.
«Sizderge dostyǵymyz úshin, jyly sózderińiz úshin alǵysymdy aıtamyn. Ózimniń bar sanaly ómirimdi men Soltústik Qazaqtsan oblysynda ótkizdim, sizdermen birge qyzmet ettim. Biz barlyǵymyz adal qyzmet etip, bar kúshimizdi, bilimimizdi salyp, bir-birimizdi qoldap, jaqsy nátıjelerge jetip otyrmyz», - dedi Jaqsylyq Ysqaqov.
Jıyn sońynda óńir basshysy Qumar Aqsaqalov eńbek ardagerleriniń, óńirdiń qurmetti azamattarynyń pikirleri ósip kele jatqan urpaq úshin úlken mańyzy bar ekenin atap ótti.
«Sizder tarıh qorǵaýshylarysyzdar, sizder qoǵamdyq pikirdi qalyptastyrasyzdar. Sondyqtan túrli deńgeıde osyndaı kezdesýlerdi jıi ótkizilgeni mańyzdy. Biz buǵan múddelimiz jáne osy jumysty ótkizetin bolamyz», - dedi oblys ákimi.
