Sybaılas jemqorlyqtyń kez kelgen kórinisterine múldem tózbeýshilikti qalyptastyrý jáne azamattardy jedel qabyldaýdy júrgizý maqsatynda, sybaılas jemqorlyqqa qarsy mobıldik toptyń shyǵý rásimi «QR Tuńǵysh Prezıdenti» saıabaǵynda Qazaqstan Respýblıkasynyń memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń uıymdastyrýymen ótti. İs-shara barysynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Jambyl oblysy boıynsha departamentiniń basshysy Maqsut Ybyraıhanuly Nálibaev, «Nur Otan» partıasy Jambyl oblystyq fılıaly tóraǵasynyń İ-shi orynbasary Shúkeev Murathan Júnisáliuly, «Jańarý» sybaılas jemqorlyqqa qarsy jalpyulttyq qozǵalysy Respýblıkalyq qoǵamdyq birlestiginiń Jambyl oblystyq bólimshesiniń dırektory Tólendıev Qasymhan Estemesuly, Qazaqstan Respýblıkasynyń memlekettik syılyǵynyń laýreaty, mádenıet qaıratkeri Salyqova Nursıpat Rahymbaıqyzy, Qazaqstan Respýblıkasynyń Eńbek sińirgen sport sheberi Trýbın Dmıtrıı Anatolevıch sóz sóılep, jastarǵa sybaılas jemqorlyqqa qarsy kúrestiń mańyzyn túsindirdi.

İs-sharanyń maqsaty: Qazaqstan Respýblıkasynyń Prezıdenti N.Á.Nazarbaevtyń 2017 jylǵy 31 qańtardaǵy Qazaqstan halqyna arnaǵan «Qazaqstannyń úshinshi jańǵyrýy: jahandyq básekege qabilettilik» atty Joldaýynyń 5-shi jáne Bes ınstıtýsıonaldyq reformany iske asyrý boıynsha 100 naqty qadam Ult josparynyń               13 qadamyn oryndaý maqsatynda «Parasyz bolashaqqa. Birge!» uranymen sybaılas jemqorlyqqa qarsy mobıldik top quryldy. Mobıldik toptyń negizgi maqsaty:  Oblys aýmaǵynda ornalasqan barlyq mekemelerdiń eńbek ujymdarynda aqparattyq-túsindirý jumystaryn júrgizý, memlekettik qyzmet kórsetý barysynda týyndaıtyn ákimshilik barerlerdi barynsha azaıtý, azamattardy jeke qabyldaýdy júzege asyrý. Mobıldik top jumysy 24 naýryzdan bastalyp, jyl sonyna deıin júrgiziledi.

Mobıldik top quramyna «Nur Otan» partıasy Jambyl oblystyq fılıalynyń qyzmetkerleri, «Jańarý» sybaılas jemqorlyqqa qarsy jalpyulttyq qozǵalysy Respýblıkalyq qoǵamdyq birlestiginiń ókilderi, oblystyq kásipodaq uıymdarynyń jetekshileri, oblystyq qoǵamdyq keńes músheleri, Qazaqstan Respýblıkasynyń memlekettik qyzmet isteri jáne sybaılas jemqorlyqqa qarsy is-qımyl agenttigi jáne ulttyq búrosynyń Jambyl oblysy boıynsha departamentiniń basshylyǵy engizilgen.

İs-shara sońynda estelik sýretke túsip, avtokerýen músheleri «Qazfosfat» ujymymen kezdesip, jeke qabyldaý ótkizý maqsatynda attandy.