22 naýryzda «Báıterek» Holdıńiniń enshiles uıymy, Qazaqstan Ipotekalyq Kompanıasynyń jelisi boıynsha «Nurly Jer» memlekettik baǵdarlamasyna qatysýshylar 2017 jylǵy Qysqy Ýnıversıadanyń eń belgili obektisi – Atletıkalyq aýyldan satyp alý quqyǵymen jalǵa beriletin páterlerge ıe boldy dep habarlaıdy Qamshy.kz holdıńtiń baspasóz qyzmetine silteme jasap.
Memleket Basshysynyń bastamashylyǵymen jańa turǵyn úı baǵdarlamasy boıynsha turǵyn úı alýǵa kezekte turǵandardyń 2000 asa otbasy tolyǵymen áleýmettik ınfraqurylym júrgizilgen perspektıvalyq shaǵynaýdannyń turǵyndary atalatyn bolady. Páterlerdi kóp balaly otbasylar, tolyq emes otbasylar, múgedek balalary bar nemese olardy tárbıeleýshi otbasylary, jetim balalar men ata-anasynyń qamqorlyǵynsyz qalǵan balalar, oralmandar, 1 jáne 2 toptaǵy múgedekter, memlekettik qyzmetkerler, áskerı qyzmetshiler, arnaýly memlekettik organdardyń qyzmetkerleri, búdjettik organdardyń qyzmetkerleri ala alady.
- Oılastyrylǵan ınfraqurylymmen salynǵan turýǵa arnalǵan shaǵyn aýdan bolyp tabylatyn Atletıkalyq aýylǵa jańa qonys aýdarýshylardy quttyqtaǵym keledi, – dedi «Qazaqstan Ipotekalyq Kompanıasy» IU» AQ Basqarma Tóraǵasynyń orynbasary Rýslan Kákim – Aǵymdaǵy jyly Almaty qalasyndaǵy kezekte turǵandarǵa Kompanıa satyp alý quqyǵymen turǵyn úıdi jalǵa berý baǵyty boıynsha taǵy da 1780 páter usynýdy josparlap otyr. Ol - 47 úıden turatyn turǵyn úı kesheni Túrksib aýdanynda ornalasqan Jas Qanat shaǵyn aýdany. Jalpy aımaq boıynsha Nurly jer baǵdarlamasy aıasynda jyl sońyna deıin 190 myń sh. m. bolatyn turǵyn úıdi paıdalanýǵa berýdi josparlaýdamyz, bul 3000-nan asa páter, sol sebepti jańa qonys aýdarý baqytyna keneletinderdiń sany arta túspek.
Atletıkalyq aýyl kesheni 23 gektardan asa aýmaqty alyp jatyr, onda 14 turǵyn úı salyndy (onyń ishinde 10 úı 8-9 qabatty jáne 4 úı – 14 qabatty). «Elıtstroı» kompanıasy qurylys jumystaryn júrgizip jatyr, ol Qazaqstan Ipotekalyq Kompanıasynyń qarjylyq turǵydan qoldaýymen, memlekettik baǵdarlamalar aıasynda eń birinshilerdiń qataryndaǵy jáne eń senimdi qurylys kompanıalarynyń biri bolyp otyr. Páterler taza árlengen kúıde tapsyrylady, ony salý kezinde zamanaýı, ekologıalyq taza materıaldar paıdalanyldy. Keshen aýmaǵy qazirgi zamanǵa saı beınebaqylaý, kirip-shyǵýdy baqylaý jáne órt sóndirý júıesimen jabdyqtalǵan. Munda HQKO, emhana, sýpermarket, bank pen poshta bólim
shesi, polısıanyń tirek pýnktteri jumys isteıtin bolady. 7000 adamdyq meshittiń qurylysy josparlanýda, qazaq ulttyq asqanasymen meıramhananyń, ulttyq aspaptardyń mýltımedıalyq murajaıynyń, «Alataý» dástúrli óner teatrynyń jáne qolóner kádesyılaryn satý ortalyǵynyń jumystary ary qaraı jalǵasady.
Atletıkalyq aýyldy salý kezinde qazaqstandyq óndiris materıaldary paıdalanyldy – beton, sement, metal prokaty, myryshpen qaptalǵan metal, qurǵaq qurylys qospalary jáne t.b., jobaǵa barlyǵy 500-den asa otandyq óndirýshiler tartyldy.
Memlekettik baǵdarlamalardy iske asyra bastaǵannan-aq Qazaqstan Ipotekalyq Kompanıasynyń baǵyty boıynsha 2 jyl ishinde turǵyn úılerdi paıdalanýǵa endirý respýblıka boıynsha 13 myńnan asa páterdi qurady. Turǵyn úıler Astana, Almaty, Shymkent, Túrkistan, Aqtóbe, Aqtaý, Óskemen, Qaraǵandy, Kókshetaý, Qostanaı, Qyzylorda, Pavlodar, Semeı, Taldyqorǵan, Taraz, Oral, Petropavl, Atyraý, Rýdnyı qalalarynda, sonymen qatar Almaty, Aqmola jáne Shyǵys Qazaqstan oblystarynda paıdalanýǵa berildi.
QIK jelisi boıynsha baǵdarlamaǵa qatysý úshin bastapqy jarna talap etilmeıdi, qosymsha kepildiń qajeti joq, qarastyrǵany úshin komısıa da alynbaıdy. Satyp alý quqyǵymen jaldaý merzimi - 20 jyldy quraıdy, merzim aıaqtalǵanda turǵyn úı jalǵa alýshynyń menshigine ótedi, tabys jetkiliksiz bolǵanda kepilgerlerdi tartý múmkindigi qarastyrylǵan. Jalǵa alýshyǵa aı saıynǵy jaldaý tólemderi somasy men óteý kestesi belgilenedi, osyǵan sáıkes belgilengen somany turaqty negizde tólep otyrý kerek.
«Báıterek» ulttyq basqarýshy holdıńi» AQ Qazaqstan Respýblıkasy Prezıdentiniń 2013 jylǵy 22 mamyrdaǵy Jarlyǵyna sáıkes quryldy. Holdıńti qurý maqsaty ulttyq ekonomıkany damytý men ártaraptandyrý, ınvestısıalardy tartý, klasterlerdi damytý jáne onyń enshiles uıymdaryndaǵy korporatıvtik basqarý júıesin jetildirý bolyp tabylady. Holdıńke kiretinder: «Qazaqstannyń Damý Banki» AQ, «Qazaqstannyń ınvestısıalyq qory» AQ, «Qazaqstannyń turǵyn úı qurylys jınaq banki» AQ, «Qazaqstan Ipotekalyq Kompanıa» IU» AQ, «Damý» kásipkerlikti damytý qory» AQ, «Tehnologıalyq damý jónindegi ulttyq agenttigi» AQ, «Qazaqstannyń ıpotekalyq kredıtterge kepildik berý qory» AQ, «Kazyna Kapıtal Menedjment» AQ, «Báıterek development» AQ, «Kazakhstan Project Preparation Fund» JSHS, «QazEksportGarant» eksporttyq-kredıttik saqtandyrý korporasıasy» AQ. Holdıń osy kompanıalardyń aksıalarynyń memlekettik paketin ıemdený jáne paıdalaný quqyǵyna ıe.
