Qylmys 1996 jyly Martýk aýdanynda bolǵan. 30 jastaǵy áıel men onyń 17 jastaǵy baýyryn zorlap, óltirip, al 6 jastaǵy búldirshin qyz joǵalyp ketken, dep habarlaıdy Informbúro, málimettiń qazaqsha nusqasyn «Qamshy» portaly oqyrman nazaryna usynady.
Martýk aýdanyndaǵy Qaratýsaı aýyly turǵyndarynyń záresin alǵan qylmys 1996 jyldyń 22 qańtarynda bolǵan. Jekemenshik úıden 30 jastaǵy áıel men onyń 17 jastaǵy inisiniń máıiti tabylǵan. Zertteý barysynda, olardy zorlap, óltirip ketkendigi belgi bolǵan. Kóz jumǵan áıeldiń 6 jastaǵy qyzy sol boıy joǵalyp ketken.
Barynsha kúsh jumyldyryp, iske kiriskenimen tergeý toby qylmystyń betin asha almaǵan bolatyn. Olar tek atalmysh oqıǵaǵa kýáger bolǵan eki taksı júrgizýshisin ǵana tapqan. Olardyń biri qylmys bolǵan kúni bir jas jigit pen belgisiz bireýdi Martýk aýdanynan Qaratýsaı aýylyna alyp kelgen. Al ekinshi taksı júrgizýshisi kelesi kúni dál sol erkekti bir kishkentaı qyzben Qaratýsaı aýylynan Martýk aýdanyna alyp barǵanyn aıtqan. Osy isten soń ol iz-tússiz joq bolǵan.
Bul oqıǵa 20 jyl buryn bolǵan. BUU elderimen birlesip jumys isteý kezinde mundaı oqıǵalar Reseıde de bolǵandyǵy anyqtaldy. 1996 jyldyń qysynda Tambov aýdanyndaǵy Novohmelóvoe aýylynda 6 adamnyń denesi tabylǵan, olardyń arasynda Aqtóbe oblysynda joǵalyp ketken 6 jastaǵy qyzdyń máıiti de bolǵan. Kýrsk oblysynda dál sol qylmyskerdiń qolynan taǵy eki adam qaza tapqandyǵy anyqtaldy.
BUU memleketteriniń Quqyq qorǵaý organdarynyń birlesip jumys isteý nátıjesinde, atalǵan qylmystyń barlyǵyn 1961 jyly týylǵan ýkraındyq azamattyń jasaǵany anyqtaldy. Belgili bolǵandaı, qaskóı Ýkraınadaǵy Hmelnısa aýdanynda taǵy bir adam óltirý isi boıynsha túzetý kolonıasynda jazasyn ótep júr eken.
Qylmyskerdi Aqtóbelik eki taksıst sýretinen tanyp, túsinikteme bergen. Ýkraına eline Aqtóbe qalasyndaǵy İİD asa mańyzdy istermen aınalysatyn tergeýshi baryp, kúdiktini tergeýge alǵan. Qaskóıdiń bıologıalyq úlgilerin ekspertter tekserip, nátıjesinde, Aqtóbe oblysynda bolǵan qylmysqa tikeleı qatysy bar ekendigi anyqtaldy.
Qylmystyq is QR Basprokýratýranyń sheshimimen Ýkraınaǵa jiberildi.
Aýdarǵan: Nazerke Labıhan
