Almaty qalasynyń jergilikti áskerı basqarý organdarynda QR QK ofıserlik quramynyń laýazymyn jıyntyqtaý boıynsha irikteý is-sharalary bastaldy, dep habarlaıdy "Qamshy" Almaty qalasy Bostandyq aýdanynyń qorǵanys isteri jónindegi basqarmasynyń baspasóz qyzmetine silteme jasap.

Qazaqstan Respýblıkasy Qarýly Kúshteriniń ofıserlik quramynyń laýazymdaryn jıyntyqtaý úshin zapastaǵy ofıserlerdi irikteýdi sapaly ótkizý maqsatynda, 2006 jylǵy 25 mamyrdaǵy QR Prezıdentiniń Janǵysymen bekitilgen Qazaqstan Respýblıkasy Qarýly Kúshterinde, basqa da áskerler men áskerı quralymdarynda áskerı qyzmetti ótkerý erejesiniń 27-babyna sáıkes Almaty qalasy QİD-nde turaqty áreket etetin komısıa qurylǵan. İrikteý is-sharalaryn ótkizý kezinde zańdylyqty qatań saqtaý jáne quqyq tártibimen qamtamasyz etilgen, keshendi emtıhandy tapsyrý, psıhologıalyq jáne medısınalyq kýálandyrý ótkizý, úshin qyzmet úı-jaıyn daıyndaý sharalary uıymdastyrylǵan, normatıvterdi tapsrý úshin snarád pen júgirý joldary bar sporttyq alańdardy jabdyqtaý uıymdastyrylǵan. Konkýrstyq komısıanyń hattamasy usynylǵannan keıin belgilengen zańdylyq tártibinde kelisimshart boıynsha áskerı qyzmetke qabyldaý týraly jeke quram boıynsha buıryq shyǵarylady. Ótken jyly zapastaǵy ofıserlerdi qabyldaý tek qana jylyna bir ret (kóp degende 2 ret) ótkizilgen bolatyn, al osy jyly QR QK ofıserlik quramynyń laýazymyn jıyntyqtaý boıynsha irikteý is-sharalary jyl saıyn únemi bolatynyn atap ótýge bolady. Qazirgi tańda QR QK-nde qyzmet etý tolyq áleýmettik qorǵaý beredi, áskerı qyzmetshileri men olardyń otbasylary úshin tegin medısınalyq qyzmet kórsetiledi, turaqty aqshalaı úlespen (onyń ishinde úı jaldaý úshńn otbasy músheleriniń sanyna baılanysty ótemaqy tólenedi), qyzmet ósý múmkindigi bar.