Nurlan Aldabergenov Qazaqstan Respýblıkasy Premer-Mınıstri Keńsesiniń basshysy qyzmetine taǵaıyndaldy, dep habarlaıdy QazAqparat

Nurlan Shádibekuly Aldabergenov 1962 jyly 19 qarashada Almaty qalasynda dúnıege kelgen. 1984 jyly Almaty sáýlet-qurylys ınstıtýtyn ınjener-qurylysshy mamandyǵy boıynsha támamdaǵan. 1987 jyly V.V.Kýıbyshev atyndaǵy Máskeý ınjenerlik-qurylys ınstıtýtynyń aspırantýrasyn aıaqtap, ekonomıka ǵylymdarynyń kandıdaty atanady.  2005 jyly D.A.Qonaev atyndaǵy ýnıversıtetti zańger mamandyǵy boıynsha bitirgen.

Eńbek joly:

1988-1989 jyldary - Almaty sáýlet-qurylys ınstıtýtynda kishi, aǵa ǵylymı qyzmetker;

1989-1993 jyldary - Boraldaı qabyrǵa materıaldary óndiristik birlestigi Bas dırektorynyń orynbasary;

1993-1994 jyldary - «Alma» fırmasynyń bas dırektory;

1994-1995 jyldary - Qazaqstan Respýblıkasy Aýyl sharýashylyǵy mınıstrligi Qazagromelıovodhoz syrtqy ekonomıkalyq baılanystar basqarmasynyń bastyǵy;

1995-1996 jyldary - «Alma» fırmasynyń bas dırektory.

1996 jyldan Almaty qalasy boıynsha Baǵa jáne monopolıaǵa qarsy saıasat komıteti tóraǵasynyń orynbasary.

1999 jyldan - Almaty qalasy boıynsha Tabıǵı monopolıalardy retteý jáne básekelestikti qorǵaý departamentiniń dırektory.

2004 jyldan - QR Tabıǵı monopolıalardy retteý agenttigi tóraǵasynyń orynbasary.

2007 jyldan - QR Tabıǵı monopolıalardy retteý agenttiginiń tóraǵasy.

2012 jyldan bastap Eýrazıalyq ekonomıkalyq komısıanyń alqa múshesi boldy. 

«Qurmet» ordenimen, «Qazaqstan Konstıtýsıasyna 10 jyl» medalimen marapattalǵan.