2017 jylǵy 27 naýryzda Qazaqstan Respýblıkasynyń Memlekettik hatshysy Gúlshara Ábdiqalyqova Búkilálemdik teatr kúnine oraı tuńǵysh ret taǵaıyndalǵan «Sahnager - 2017» Ulttyq teatr syılyǵymen marapattaý saltanatyna qatysty dep habarlaıdy qamshy.kz.

Sondaı-aq, oǵan Parlament depýtattary, Mádenıet jáne sport mınıstri A.Muhamedıuly, elimizdiń tanymal mádenıet jáne óner qaıratkerleri qatysty.

Memlekettik hatshy G.N.Ábdiqalyqova quttyqtaý sózinde Elbasy N.Á.Nazarbaev el damýynda mádenıet pen ónerdiń mańyzdy róline asa mán beretinin atap ótti. Táýelsizdik jyldarynda «Mádenı mura» memlekettik baǵdarlamasy iske asyrylyp, 52 teatr tabysty jumys isteýde, «Astana Opera», «Astana Balet» teatrlary, Qazaq Ulttyq óner ýnıversıteti, Qazaq Ulttyq horeografıa akademıasy boı kóterdi.

Gúlshara Ábdiqalyqova, sondaı-aq 2016 jyly qurylǵan Qazaqstan teatrlary qaýymdastyǵynyń elimizdiń rýhanı-mádenı ómiriniń damýyna mańyzdy úles qosatynyna, jastardyń shyǵarmashylyq áleýetin damytýǵa, Memleket basshysynyń elimizdiń Úshinshi jańǵyrýynda belgilep bergen maqsattaryn iske asyratynyna senim bildirdi.

«Sahnager» Ulttyq teatr syılyǵy eńbekke degen oń kózqarasty qalyptastyratyn shyǵarmalardy jasaýǵa, eldiń birtutas mádenı keńistigin nyǵaıtýǵa, qazaqstandyq patrıotızm men ulttyq mádenıetke degen súıispenshilikti damytýǵa baǵyttalǵan.