Bul týraly finprom.kz saraptamalyq portaly málimdedi.

Sarapshylardyń málimetinshe, otandyq medısına salasynyń naryqtaǵy deńgeıi jaılap artyp keledi. Oǵan memlekettik qoldaý men bıznestiń áleýmettik jaýapkershiligi aıasynda atqarylyp jatqan jumystar yqpal etýde. Naqtyraq aıtsaq, 2016 jyly iri medısınalyq mekemelerdiń búdjettik shyǵyny 610 mlrd teńge boldy. Al jeke jáne shaǵyn medısınalyq ortalyqtar 83,5 mlrd teńgege dárigerlik kómek kórsetken. Bul sońǵy bes jyldaǵy joǵary kórsetkish. Al úkimet tarapynan medısınalyq mekemelerge bólinetin qarjy kólemi bıyl 30 paıyzǵa artyp, 771 mlrd teńgege jetti. Qarjynyń basym bóligi turǵyndar densaýlyǵyna asa qajetti dári-dármekter satyp alýǵa jumsalmaq. Sarapshylardyń pikirinshe, logıstıkalyq júıeni retke keltirsek, dári-dármek óndirýshi men ony taratýshylar arasynda tikeleı baılanys ornatyp, alyp-satarlarǵa jol berilmes edi. Sonda qajetti dáriler qoljetimdi bolar edi, ári qymbattaýyna jol berilmeıdi.

- Negizgi másele munda Úkimettiń basqarýyna baılanysty. Eń bastysy bul salaǵa bilikti mamandardy durys tańdaý bilý kerek. Medısına salasyna jyl saıyn bólinetin qarjynyń kólemi artyp keledi, sondyqtan ony retteýge bolady dep oılaımyn, - deıdi farmındýstrıa salasynyń mamany Qaırat Áýbákirov.