AQSH prezıdenti Donald Tramp palata múshelerine Hılları klınton men Reseı demokratıalyq partıasynyń músheleri arasyndaǵy baılanysyna qatysty tergeý jumystaryn júrgizýge buıryq berdi, dep habarlaıdy RIA jańalyqtar qyzmeti.

«Hılları Klınton Reseıge 20 paıyz ýrandy berip jibergennen keıin barlaý jónindegi komıtet músheleriniń Hılları men Bıll arasyndaǵy kelissózdi qaraýǵa qulqysy joq. Tramp pen Reseı arasynda baılanys bar degen qaýeset oıdan shyǵarylǵan. Reseımen naǵyz baılanysatyn adam – Hılları Klınton» dep jazdy Tramp óziniń Tvıtterdegi paraqshasyna.

Aqpanda AQSH prezıdenti saılaý barysynda óziniń qarsylasy bolǵan Klıntondy amerıkalyq ýrannyń 20 paıyzyn Reseıge ótkizip jiberdi dep aıyptaǵan bolatyn. Saılaý aldy Klınton da Tramptyń Reseımen esh baılanysy joq ekenin aıtyp qalǵan.

Aıta keteıik, Tramp prezıdent atanǵan soń halyq arasynda onyń jeńisine Reseı bıliginiń AQSH-ta ótken saılaýǵa qatysy áser etti degen qaýeset taraldy. Alaıda Reseı ózine taǵylǵan aıypty joqqa shyǵaryp, ózge memleketterdiń ishki saıasatyna aralaspaıtynyn málimdegen.