"Almatymetroqurylys" kompanıasynyń baspasóz qyzmetine silteme jasaǵan Tengrinews.kz agenttigi "Almaty metrosyndaǵy 2014 jyldyń sońynda paıdalanýǵa beriledi dep josparlanǵan eki stansıanyń iske qosylýy 2015 jyldyń basyna shegerildi" dep habarlady. Kompanıanyń sózinshe, metronyń jańa stansıalarynyń ashylýy kelesi jylǵa qalýyna basty sebep: "stansıalardyń paıdalanýǵa berilý merziminiń keıinge shegerilýine metro salynatyn jerdegi úılerdi súrýdiń uzaqqa sozylyp ketýi" Iaǵnı, súriletin úılerdiń ıeleri baspanalaryn memleket usynǵan baǵaǵa satýǵa kelispegen.

Buǵan deıin qala ákimi Ahmetjan Esimov Almaty metrosyndaǵy jańa "Saıran" jáne "Máskeý" stansıalary 2014 jyldyń birinshi jeltoqsanynda ashylatyny týraly  málimdegen bolatyn. 1988 jyldyń qyrkúıeginde bastalǵan Almaty metrosynyń qurylysy birneshe ret toqtap, araǵa shırek ǵasyr salyp, alǵashqy jeti stansıasyn 2012 jyly 1 jeltoqsan kúni iske qosqan. Metro ashylǵanda jyl saıyn bir stansıadan qosylatyny aıtylǵan bolatyn.

Qamshy-aqparat