3 jyldyq quldyq ómir qaterli isik aýrýyna shaldyqtyrdy

    Nazerke Labihan
    3 jyldyq quldyq ómir qaterli isik aýrýyna shaldyqtyrdy

    Taldyqorǵannyń turǵyny Lázzat Ysqaqova óziniń 3-jyldyq quldyq ómiri týraly baıandap berdi dep habarlaıdy Qamshy aqparattyq agenttigi tengrinews.kz-ke silteme jasaı otyryp. Jaqyn bılik ókilderi men polısıa qyzmetkerleri jábirlenýshiniń qujattaryn rettep beredi. Jábirlenýshi áıel osydan 3 jyl buryn óziniń Almaty oblysy, Alakól aýdanyndaǵy sharýa qojalyǵyna jumysqa ornalasqanyn aıtady.

    «Meniń bir tanysym sol aýdanǵa jumysqa ornalasýǵa shaqyrdy. Jalaqyny da jaqsy tóleıtindigin aıtqan bolatyn. Sonymen birge jumysty jaqsy jasasań syıaqyny da beredi degen edi. Sol ýaqytta qarjy jaǵynan qıynshylyq bolǵandyqtan birden kelistim. Meni sharýa qojalyǵynyń ıesi Bolat degen azamat kútip aldy. Men ol jerde jeke menshik múlikti paıdalana otyryp jumys jasaıtyndyqtan Bolat meniń jeke kýáligimdi alyp aldy. Qujatty alǵannan keıin maǵan degen qarym-qatynastary birden ózgerdi. Ol jerde maǵan aýyr jumystardy tapsyryp qoıdy. Eger durys jasamaǵan bolsam meni uratyn edi.»,- dep suhbat berdi. 

    Jábirlenýshi birneshe ret qashyp ketýge tyrysqandyǵyn da jasyrmady. Onyń basynan armatýramen urǵannan keıin qashyp ketýge áreket jasaı bastaǵan.

    «Men qamystardyń arasyna tyǵylǵan edim, biraq meni ıtpen izdep taýyp aldy. Bir kezderi men qystyń kúni jalań aıaq qashýǵa tyrystym, biraq taǵy da iske aspady. Ustap aldy, uryp soqty, ári qaraı jumys isteýge májbúrledi.Men qansyrap jatqan kúnniń ózinde sharýashylyqtyń qojaıyny Bóken men onyń áıeli Anar meni soǵýyn toqtatpady. Olardyń balalary da meni úrdy, búkil otbasymen meni taıaq astyna aldy. Tipti qatty aýyrǵan kúnniń ózinde dárigerdi jolatpaı qoıdy. Tek meniń jumys isteýge eshqandaı kúshim qalmaǵan kezde meni avtovokzalǵa ákelip, jerge laqtyryp ketti. » dep óziniń qultyqta ótkizgen kúnderin esine aldy.

    Basqa da oqıǵalardy jalǵastyryp aıta almady. Onyń densaýlyǵy týraly onyń aǵasy baıandap berdi.

    «Tipti haıýan da adamnyń bul isterin qaıtalamaıtyn bolar. Biz Lázzatty  jyl boıy izdedik, biraq tappadyq. Ol úıge kirip kelgen kezde, men, týǵan aǵasy óz qaryndasymdy tanymaı qaldym. Tiri ólikke uqsap kirip keldi. Biz dereý dárigerlik kómekke júgindik. Biraq qujattardyń joqtyǵynan túrli máselelerge tap boldyq. Dárigerler qoldan kelgen kómekti aıamady. Biraq biz keshigip qaldyq. Lázzat 4-dárejeli qaterli isik aýrýyna shaldyqqan. Men endi osy azaptyń onyń ómirinen joq bolatyn kúndi kútýden basqa amalym joq. Ol qazir ǵana osylaı jaıbyraqat jatyr. Onyń aýrýy túnde ǵana asqynyp, azaptaıdy.», - dep suhbat beredi Lázzattyń aǵasy.

    Lázzttyń 5 balasy bar. Ol qazir úıde, balalarynyń janynda. Osy oqıǵaǵa baılanysty Lázzat Ysqaqovanyń aryzy tirkeldi. Qazirgi ýaqytta Alakól aýdanynda tekseris júrgizilýde. 

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025