Prezıdentten sógis estigen Astana ákimi Áset Isekeshov 22 sáýirde tań atpastan qaladaǵy tártipti retke keltirýge kirisip ketti.
Áset Isekeshov qurylys alańdaryn, alańdardaǵy sanıtarlyq jaǵdaılar men kópqabatty úılerdiń erejege saı-saı emestigin, sondaı-aq jol tazalaý pýnkterin aralap shyqty, dep habarlaıdy Qamshy aqparattyq agenttigi Astana ákimdiginiń baspasóz qyzmetine silteme jasap.

Qurylys alańynda bolyp qaıtqan Astana ákimi qala aımaqtaryna qurylystan qalǵan qoqysty ruqsatsyz tókpýge buıyrdy.

Sonymen qosa, qala basshysy ortalyq jáne qosalqy kóshelerdi, yqshamaýdandar men turǵyn úı keshenderin qarap shyqty. Tas joldardyń jaǵdaıyn, jaıaý júrginshilerge arnalǵan joldardy, kóshelerdegi jaryqty, kógaldy muqıat tekserdi. Úılerdiń aýlaryn da qaraýsyz qaldyrmady.

Bul tekserisinen soń ákim qyzmetke jaýaptylarǵa qalanyń kósheleri, nysandary men aýlalardaǵy tazalyqty qadaǵalaýyn tapsyrdy. Tapsyrmanyń oryndalýyna bir apta ýaqyt berdi. Oryndalmaǵan jaǵdaıda qatań jazalanytynyn da eskertti.

Eske sala keteıik, Astana qalasynyń keskin-kelbetine kóńili tolmaǵan Elbasymyz qala ákimi Isekeshovty synnyń astyna alyp, bir ursyp aldy.
Elbasymyz Astana qalasynyń EKSPO kórmesine daıyndyǵyna kóńili tolmaǵanyn aıtty. Atap aıtar bolsaq, eski úılerdi buzyp, ornyna jańa nysandar salý qajettigin jetkizdi. Elbasynyń aıtýynsha, týrıser ortalyqtan on qadam attasa, sumdyq jaıttardyń kýágerleri atanýy múmkin. Ortalyǵymyz keremet, al shet jaq bylyǵyp jatyr. Shetelden asyǵa kútken qonaqtarymyz munyń barlyǵyn fotoǵa túsirip, álem aldynda masqaralasa ne isteımiz deıdi memleket basshysy.
Isekeshevti Astananyń ákimi etip taǵaıyndaǵanda oǵan kóp úmit artqanyn da Elbasy jasyrmady. Alaıda prezıdenttiń aıtýynsha, mundaı soraqylyq Jaqsybekovtiń tusynda da oryn almapty. Sóz sońynda Áset Isekeshevke jumysty jedeldetip qolǵa alýdy mindettedi.