Alıment tólemeıtinderge endi qatań shara qoldanylady

    Assem Almuhanbet
    Alıment tólemeıtinderge endi qatań shara qoldanylady

    Turmystyq jaǵdaıda tolyq emes otbasynyń balalary, áleýmettik turǵydan qaraǵanda olardyń jaǵdaıy kóbine tómen deńgeıde ekendigin ańǵarýǵa bolady dep jazady Qamshy aqparattyq agenttigi Jambyl oblys prokýratýrasynyń Pres-qyzmetine silteme jasap. Budan asqan ózekti másele bar ma. Budan soraqysy, olarmen birge turmaıtyn ákesi nemese anasy, alıment tóleýden jaltaryp júrgendigin atap aıtsaq bolady.

    Zań ata-analardyń óz balalalaryn qamtamasyz etýden bosatqan joq, olarmen birge turmasa da jaýapkershilikten qutylmaıdy, sebebi ata-analyq paryz da zańnama da osyny meńzeıdi jáne mindetteıdi.

    Kázirgi ýaqytta oblystaǵy sot oryndaýshylardyń oryndaýynda alıment óndirý boıynsha 12 337 atqarý óndiristeri bar, olardyń qaryz sommasy 880 mln. teńgeden asatyndyǵyn aıtyp ketken jón.

    Oblys prokýrory Ernat Sybanqulovtyń aıtýy boıynsha bul óte kúrdeli másele bolyp tur. Sondyqtan, Jambyl oblysynyń prokýratýrasy bul salada qadaǵalaýdy kúsheıtip, boryshkerlerge qatysty qatań sharalardyń qabyldanýyna basty nazar aýdarýda.

    Ótken jyldan beri alıment boıynsha boryshkerlerdiń 91-i ákimshilik jaýapkershilikke tartylǵan bolsa, onyń 55-i qamaqqa alynyp, 36-y aıyppul tólegen, 7 boryshker qylmystyq jaýapkershilikke tartylyp, 175-i kólik quraldaryn basqarý quqyǵynan aıyrylǵan.

    Mysaly, 08.11.2016j. sot sheshimin uzaq oryndamaǵan, bereshek qaryzy 2 mln. teńgeden asatyn boryshker B.Ibraevqa qatysty QR QK-niń 139 babynyń 1 bóligimen qylmystyq is qozǵalǵan.

    Sot qylmystyq isti qaraý barysynda boryshker óziniń kámeletke tolmaǵan balalaryna qarajat taýyp, qaryzyn ótegenine baılanysty, medıasıa tártibimen is óndiristen qysqartylǵan.

    Alıment qaryzdary 700 myń teńgeden asatyn I.Jumabaevqa qatysty Merke aýdandyq soty 19.04.2017 jylǵy qaýlysymen ony 3 táýlikke qamaqqa alǵan..

    Budan bólek, osy aýdannyń sotynyń sheshimimen A.Vasıljanov qamaqqa, onymen qosa kólik quraldaryn basqarý quqyǵynan da aıyryldy.

    Oblys prokýrory atap ótkendeı, boryshkerlerdiń kólik quraldaryn júrgizý quqyǵynan aıyrý tıimdi tásil bolyp tabylady, sebebi olar bul turǵyda kólik júrgizý kýálikteri úshin óziniń kámeletke tolmaǵan balalaryna qysqa merzim ishinde qarajat taýyp, qaryzdy tolyq kólemde óteýge barynsha úlesterin qosady.

    Árıne, ózderiniń turmys jaǵdaılary tómen bolyp tabylatyn adal boryshkerler de bar. Olarǵa qatysty oblys prokýratýrasy turmys jaǵdaılaryn jáne jumyssyzdyqtaryn eskerip, jumyspen qamtý ortalyqtary arqyly 195 boryshkerlerdi jumyspen qamtyp, kámeletke tolmaǵan balalary úshin alımenttiń óndirilýine yqpal jasady. Áli de 873 boryshkerler jumysqa ornalasý kezegin kútýde - dep oblys prokýrory qosyp ótti.  

    Boryshkerlerdiń jumysqa ornalasyp, alıment qaryzdaryn jabýy tıimdi áser tıgizdi. Osyǵan baılanysty bul jumys ózniniń jalǵasyn tabady.

    Atap aıtý kerek, kázirgi ýaqytta boryshkerlerdiń dúnıe-múlikterine jedel túrde tyıym salynýda, ıaǵnı qaryzdy der kezinde tóleýge shara qarastyrmasa nemese belgilengen qarajatty tappasa, olardyń ıeligindegi úı, páter, avtokólikteri de tárkilenedi.

    Sonymen qatar, boryshkerlerge shetelge shyǵýǵa tyıym salynyp,  halyqqa qyzmet kórsetý ortalyqtarynda meken-jaıy týraly, dúnıe-múlki týraly aqparatty alý quqyǵynan aıyryrlady.

    Biz adal boryshkerlerge kómektesýge daıynbyz, bastysy olardyń talpynysy men kámeletke tolmaǵan balalaryna degen ata-analyq sezimi, al alıment tóleýden jaltaryp júrgen boryshkerlerge qatysty qatań shara qoldanylady. Bizdiń basty maqsatymyz jasy kámeletke tolmaǵan jasóspirimderge tıesili qarajatpen qamtamasyz etý – dep oblys prokýrory sóziniń sońyn tujyrymdady.

    Qatysty Maqalalar