Qazaqstannyń Tuńǵysh Prezıdenti Qorynyń laýreaty, balet ártisi Dosjan Tabyldy Brús Lı týraly bı oryndady - The Dragon dance (Aıdahar bıi). Bul týraly Qamshy aqparattyq agenttigi Tengrinews.kz-ke silteme jasap habarlaıdy. Treıler formatyndaǵy vıdeorolık áıgili Brús Lı týraly túsirilgen, naqtyraq aıtqanda onyń gollıvýdtyq "Igra smertı" dep atalatyn kartınasynyń jelisinde túsirilgen. Jańa vıdeorolıktiń sújeti boıynsha bas keıipker japon kompozıtory Shıro Sagısýdyń (Shiro Sagisu) A Fight for Our Motherland mýzykasyna klasıkalyq balet bılep, basqa bı mánerlerimen jarysady.
Rolıkte kúrdeli bı elementteri, klasıkalyq balet óneriniń qımyl-qozǵalystary oryndalady.
"Ańyzǵa aınalǵan Brús Lıdiń obrazy arqyly jastardyń nazaryn baletke aýdaryp, balettiń bı óneriniń shyńy ekenin kórsetkimiz keldi", - deıdi Dosjan Tabyldy. Mıllıondarǵa úlgi bolǵan Brús Lı rólinde Dosjan Tabyldy oınaıdy. Túrli bı mánerleriniń sheberlerin qazaqstandyq belgili bıshiler oryndaǵan.