Shymkentte “Ádebıet avtobýsy” jolǵa shyqty. Qala turǵyndary osy aksıaǵa qatysyp, erekshe qoǵamdyq kólikte júrýge múmkindik aldy. Bul aksıany oblystyq jasóspirimder kitaphanasy 23 sáýir – halyqaralyq kitap kúnine oraı uıymdastyryp otyr, dep habarlaıdy Qamshy aqparattyq agenttigi Otyrar jańalyqtar qyzmetine silteme jasap.
№74 baǵyttaǵy avtobýsqa mingen jolaýshylarynyń kóbi bezendirilgen kólikti, ulttyq kıim kıgen qyzdardy kórgende túsinbeı qalǵany ras. Keıinnen kitaphana qyzmetshileri jáne turaqty oqyrmandary erekshe aksıa týraly túsindirip, jolaýshylardy merekemen quttyqtady. EKSPO kórmesi, Qazaqstan Respýblıkasynyń rámizderi, oblystyń 85 jyldyǵy týrasynda, sondaı-aq, Qazaqstandyq jáne shetel ádebıeti týraly suraqtar qoıyldy. Oıyndar uıymdastyryldy. Durys jaýap bergen azamattar syılyqsyz qalmady.

Bul aksıa bıyl «Jan-dúnıeńe jarty saǵat ból» degen taqyryppen ótýde. Osymen altynshy ret jolaýshylardy qýantqan kitaphana ujymy «Ádebı avtobýs» aksıasy aldaǵy ýaqytta da uıymdastyrylady deıdi.
